ހުޅުމާލޭގެ އެކި ސަރަހައްދުތަކުން މާދަމާ ހެނދުނުގެ ވަގުތެއްގައި ކަރަންޓު ކެނޑިދާނެކަމަށް ސްޓެލްކޯއިން ބުނެފިއެވެ.
ސްޓެލްކޯއިން ސޯޝަލް މީޑިއާގައި ހިއްސާކުރި ޕޯސްޓެގައި ބުނެފައިވަނީ އެކުންފުނީގެ އެޗްވީ ގްރިޑު ނެޓްވޯކުގައި ކޮންމެހެން ކުރަންޖެހޭ އަޕްގްރޭޑިންގ މަސައްކަތެއް ކުރުމަށް ހަމަޖެހިފައި ވާތީ މާދަމާ ހެނދުނު 06:00 އިން 06:30 އަށް ކަރަންޓު ކެނޑުމަކީ އެކަށީގެންވާ ކަމެއް ކަމުގައެވެ.
ސްޓެލްކޯއިން ގެންދަނީ ގްރޭޓާ މާލޭ ސިޓީގެ ކަރަންޓު ނެޓްވޯކަށް އަޕްގްރޭޑްތައް ގެންނަމުންނެވެ.
މިގޮތުން މާލެއާއި ހުޅުމާލޭގެ އެކި ސަރަހައްދުތަކުގައި އެކި ދުވަސްދުވަހު މަސައްކަތްކުރާއިރު، ކަރަންޓު ކެނޑެއެވެ.