ދެ މިލިއަނެއްހާ ރުފިޔާ ޚަރަދުކޮށްގެން މިދިޔަ އަހަރު އިސްލާމީ މަރުކަޒުގެ ފުރާޅުގައި އާ ޓިނު ޖެހިފަހުން، މިއަދު ކުރި ވިއްސާރައިގައި އަނެއްކާ ވެސް ސީލިންގުން ފެން ފައިބަން ފަށައިފިއެވެ. ސޯޝަލް މީޑިއާގައި ދައުރުވަމުން އަންނަ ވީޑިއޯއަކުން ފެންނަނީ، އިސްލާމީ މަރުކަޒުގެ މިސްކިތުގެ މަތީބައިގެ، ހަރަމްގެ ބޭރުން، ފެން ފައިބާތީ ބަންދުކޮށް، ޓައްޕުތަކެއް ބަހައްޓައިފައި ހުންނަ ތަނެވެ. މިކަމާ ގުޅިގެން ސުވާލުކުރުކުމުން، އިސްލާމިކް މިނިސްޓަރު ޑރ. މުޙައްމަދު ޝަހީމް އަލީ ސައީދު "ސަން"އަށް ވިދާޅުވީ އެ މައްސަލަ ދިމާވި ސަބަބު ދެނެގަނެ، ހައްލުކުރުމަށް ޚާއްސަ ސަމާލުކަމެއް ދީގެން މަސައްކަތްކުރައްވާނެ ކަމަށެވެ. https://sun.mv/187589 މިދިޔަ އަހަރު، ބޮޑު ޚަރަދެއްް ކުރުމަށް ފަހު އިސްލާމީ މަރުކަޒުގެ ޓިނު އާކުރީ، މިސްކިތް ތެރެއަށް ސީލިންގުން ފެން ފައިބަން ފެށުމުންނެވެ. އެސްޓީއޯ މެދުވެރިކޮށް ޓިނު ގަނެގެން، މިސްކިތުގެ ފުރާޅުގައި ޓިނު ޖެހުމުގެ މަސައްކަތް ކުރީ އެމްޓީސީސީއިންނެވެ. ތިންވަނަ ދައުރެއްގައި އިސްލާމީ ކަންތައްތަކާ ބެހޭ ވަޒީރުކަން ކުރައްވަމުން ގެންދަވާ ޝަހީމް ގެންދަވަނީ މިސްކިތްތަކުގެ މަރާމާތާއި އާބާތުރަ ފިލުވުމަށް ބޮޑު އިސްކަމެއް ދެއްވަމުންނެވެ.