މާލޭގައި އިމަޖެންސީގައި ދުއްވާފައިދިޔަ އެމްބިއުލާންސެއް ސައިކަލެއްގައި ޖެހި އެކްސިޑެންޓެއް ހިނގައިފި އެވެ.
އެ އެކްސިޑެންޓު ހިނގީ މިރޭ 7:35 ހާއިރު އަމީނީމަގާއި އިއްޒުއްދީން މަގާ ގުޅުނު ކަންމަތީގަ އެވެ.
ބުނީ ކީކޭ؟ - ފުލުހުންގެ މީޑިއާ އޮފިޝަލް 'ދައުރު'އަށް ވިދާޅުވީ ސައިކަލު ދުއްވަންހުރީ 65 އަހަރުގެ މީހެއް ކަމަށާއި އޭނާގެ އަތުގައި ލައިސެންސް އޮތް ކަމަށެވެ.
އެކްސިޑެންޓުވީ އައިޖީއެމްއެޗްގެ އެމްބިއުލާންސަކާއި ސައިކަލެކެވެ.
އެ އެކްސިޑެންޓުގައި:
އެ މީހާގެ ނިތްކުރިމަތި ދުޅަވެގެން އައިޖީއެމްއެޗްއިން ފަރުވާ ހޯދަންދިޔަ
އެއްވެސް މީހަކަށް ސީރިއަސް އަނިޔާއެއް ނުވޭ
ފާހަގަކޮށްލެވޭ - އެ އެކްސިޑެންޓުވެފައިވާ މަންޒަރު ފެންނަ ވީޑިއޯއެއް ސޯޝަލް މީޑިއާގައި ވަނީ އާންމުވެފަ އެވެ. އެމްބިއުލާންސްގައި އިމަޖެންސީ ލައިޓު ދިއްލާފައި ހުރި ނަމަވެސް ސައިރެންގެ އަޑެއް ނީވެ އެވެ. އެމްބިއުލާންސްތައް މިގޮތަށް 'ސައިލެންޓް ސައިރެން'ގައި ދަތުރުކުރާ ބައެއް ހާލަތްތައް ހުރެ އެވެ.