ލޮސް އެންޖަލިސް އަލިފާން ވެގެން ގޮސްފައިވަނީ މިހާތަނަށް މި ސަހަރުގައި ހިނގި އެންމެ ގެއްލުން ބޮޑު އަލިފާނުގެ ހާދިސާ އަށެވެ.
ލޮސް އެޖެންޖަލިސް އޭ ބުނުމުން އެންމެންގެ ހިތައް ވަންނާނީ މި ސަހަރުގެ ހޮލީވުޑް ހިލް ސަރަހައްދުގެ ޖަންގަލީގެ ފަރުބަދަ މަތީގައި ވާ "ހޮލީވުޑް" ނަމެވެ. އެކަމަކު މި ރީތި ކަން ފެނި ސަހަރު ހަމައެކަނި މަޝްހޫރުވަނީ މި ނަމުން އެކަންޏެއްވެސް ނޫނެވެ. ލޮސް އެންޖަލިސްއަކީ ދުނިޔޭގައި އޮތް އެންމެ އަގު ބޮޑު ގެތައް ހުރި ސަހަރެވެ. ނުވަތަ ސިޓީ އެވެ. އެމެރިކާގެ އެންމެ މަޝްހޫރު މަގުބޫލު މީހުންގެ މުއްސަނދިކަމާއި ރީތިކަމަށް ފަހުރުވެރިވި އެތައް ބައެއްގެ ދިރިއުޅުމުގެ ދާއިމީ ވަޒަރެވެ. އެކަމަކު މީގެ ދެ ދުވަހެއް ކުރިން މި ސިޓީގެ ކުޑަ ގެއެއްގެ ބިއްދޮށުގައި ރޯވި ކުޑަ ކުޑަ ހުޅުކޮޅު ވެގެން ގޮސްފައިވަނީ މުޅި މި އަވަށުގެ މަލަމަތި ބޯ ދުމުން ކިލަނބު ވެގެން ދިޔަ ހުޅުކޮޅަކަށެވެ. ލޮސް އެންޖަލިސްގައި ރޯވި އަލިވާން ގަނޑާއެކު އެމެރިކާގެ އެންމެ ބޮޑު ފަހުރުކަމަށްވާ ހޮލީވުޑްގެ އެތައް މިލިއަން ޑޮލަރުގެ ޕްރޮޑަކްޝަން ހައުސް ތަކެއް ވަނީ އަނދާ އަޅިއަށް ވެގެން ގޮސްފަ އެވެ. ނަތީޖާއަކީ ހޮލީވުޑް ނޮމިނޭޝަންވެސް ފަސް ކުރަން ޖެހުމެވެ. 
އެމެރިކާގައި ރޯވެފައިވާ މި ހުޅުގަނޑު ލޮސް އެންޖަލިސްގެ ފަޔާ ޑިޕާޓްމަންޓުން ފެން ޖަހަޖަހަ ތިއްބައި އަތުން ކޮންޓްރޯލް ގެއްލި އަލިފާންގަނޑު ފެތުރިގެން ދިޔަ އެވެ. ގަދަވަޔާއެކު އެތައް ބައެއްގެ ދިރިއުޅުން އަޅިއަށް ހަދާލި އެވެ. މިހާތަނަށް އަންދާޒާ ކުރެވެނީ މި ހާދިސާގެ ސަބަބުން މި ސަހަރުން 80،000 އަށްވުރެ ގިނަ މީހުންގެ ގެދޮރު ގެއްލިގެން ގޮސްފައިވާ ކަމަށެވެ. މިހާތަނަށް ހަ މީހަކު މަރުވިކަން ޔަގީންވެފައިވާއިރު ގެދޮރު ގެއްލުމުގެ މީހުންގެ ތެރޭގައި ހޮލީވުޑްގެ މަޝްހޫރު އެތައް މޫނުތަކެއްވެސް ހިމެނެ އެވެ. އެ މީހުންގެ ތެރޭން ބައެއް މީހުންނަށް ވެސް އަމިއްލަ ޖާނައިގެން ނުކުމެވުމަކީ ކިރިޔާ އެވެ.
މި އަލިފާނުގައި މިހާތަނަށް އަނދައިގެން ގޮސްފައިވާ ގެތަނުގެ ތެރޭގައި މަޝްހޫރު ތަރި ޕެރިސް ހިލްޓަންގެ 8.4 މިލިއަން ޑޮލަރުގެ ގެ ހިމެނެ އެވެ. މީގެ އިތުރުން އަލިފާނުގެ ޝިކާރައަކަށްވި އަނެއް ގެ އަކީ ކޮމެޑީ ސީރީސްތަކާއި ފިލްމްތަކުން މަޝްހޫރުކަން ހޯދި އަނާ ފާރިސްގެ ފަސް މިލިއަން ޑޮލަރުގެ 4،000 އަކަފޫޓުގެ ގެ އެވެ. މީގެ އިތުރުން އޮސްކާ ހާސިލްކޮށްފައިވާ 87 އަހަރުގެ އެކްޓަރު އެންތޮނީ ހޮޕްކިންސް ހަ މިލިއަން ޑޮލަރުގެ ގެ ވެސް ވަނީ އަޅި އަށް ވެފަ އެވެ. މީގެ އިތުރުން ވައިޓް ހައުސް ޑައުން އާއި ޓޮޕްގަން ފަދަ ފިލްމްތަކުގައި ހަރަކާތްތެރިވެފައިވާ ޖޭސް ވުޑް ގްރޯގެ 7.5 މިލިއަން ޑޮލަރުގެ މެންޝަން ވަނީ އޭނާ އަށް ގެއްލިގެން ގޮސްފަ އެވެ. މީގެ އިތުރުން ވެސް ހޮލީވުޑްގެ އެތައް ތަރިންނެއްގެ އިތުރުން އެތައް ބިލިއަނުންނެއްގެ ގެތައް ވަނީ އަނދާ އަޅި އަށް ވެފަ އެވެ.
އަލިފާން ރޯވެފައިވާ މި ސަރަހައްދަކީ މި ތަރިންގެ ކުޑައިރުގެ ދުވަސްތަކުން ފެށިގެން މިއަދާ ހަމައަށްވެސް ގިނަ ތަރިން އުޅެމުން ދިޔަ ބިމެވެ. އެހެންވެ މިކަން ވެގެން ގޮސްފައިވަނީ އެމީހުންނަށް ހިތްދަތި އިހުސާސްތަކެއް ލިބިގެންދާ ކަމަކަށެވެ. އެކަމަކު މި އަލިފާނުގެ ސަބަބުން ގަނޑުވަރުތަކެއްގެ ގޮތުގައި އެމީހުން ބިނާކުރި މަޝްހޫރު އެތައް ބައެއްގެ ގެތައްއަނދައި އަޅިއަށް ވެގެން ދިއުން ވެގެން ދިއުން ގިނަ ބަޔަކު ފާހަގަ ކުރަނީ ދިރިތިބީންނަށް ލިބިގެންދާ އިބުރަތެއްގެ ގޮތުގަ އެވެ. ސަބަބަކީ މިތަނުގައި ގެ ބިނާކޮށްގެން އަރާމު ދިރިއުޅުން ހޭދަކުރަމުން ދިޔަ ގިނަ ތަރިންނަކީ ފަސްތީނުގެ ބިމުގައި އިޒްރޭލުން ހިނގާ ލާއިންސާނީ ޖަރީމާއަށް ހިތްވަރު ދިން ގިނަ ތަރިންނެވެ.
މިހާތަނަށް މި އަލިފާނުގައި ލިބުމު ގެއްލުމުގެ އަގު 50 ބިލިއަން ޑޮލަރަށްވުރެ ބޮޑުވާނެ ކަމަށް ވަނީ އަންދާޒާ ކުރެވިފަ އެވެ. އެހެންވެ މިއީ އެމެރިކާގެ ތާރީހުގައި ހާއްސަކޮށް ލޮސް އެންޖަލިސްގެ ތާރީހުގައި މިހާތަނަށް އެންމެ ގެއްލުން ދެނިވި އަލިފާނުގެ ތޫފާންގެ ގޮތުގައި ވަނީ ބެލެވިފަ އެވެ. އަލިފާން ރޯވުމާއެކު އެމެރިކާގެ އިންތިހާބީ ރައީސް ޓްރަމްޕް ވަނީ މިހާރުގެ ރައީސް ބައިޑަންއަށް ގިނަ ތުހުމަތުތަކެއް ކުރައްވާފަ އެވެ. އެމަނިކުފާނު ރައީސް ބައިޑަމްއަށް ތުހުމަތު ކުރެއްވީ މި ސަރަހައްދުގެ އަލިފާން ގަނޑު އެހާ އަވަހަށް ބޮޑު ވެގެން ދިޔައީ މި ސަރަހައްދުގައި އެކަށީގެންވާ ފަޔާ ހައިޑްޓްރެންޓް ސިސްޓަމް ނުވަތަ އަލިފާން ނިއްވުމުގެ ނިޒާމެއް ނެތުމުންނެވެ.
މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ