ޔޫތު މިނިސްޓްރީން ބުނީ ގޯސް ވުމުގެ ސަބަބުން "ދިވެހީންގެ ރާއްޖެ ފެސްޓިވަލް 2024" ކުޑަކުދިންގެ ހަވީރު މިއަދު ނޯންނާނެ ކަމަށެވެ.
އާ އަހަރު ފާހަގަ ކުރުމަށް މިއުޒިކް ޝޯ އެއް ހިމެނޭހެން މިރޭ ބާއްވަން ހަމަޖެއްސި ހަރަކާތްތައް ފަސްކޮށްފައި ވަނިކޮށް މިއަދު ހަވީރަށް ރޭވި ކުޑަކުދީންގެ ހަވީރު ވެސް ކެންސަލް ކޮށްފި އެވެ.
ކުޑަކުދީންގެ ހަވީރު އޮތީ ހަވީރު ހަތަރަކުން ހަޔަަކަށް ސެންޓްރަލް ޕާކު ގައެވެ. ނަމަވެސް ޔޫތު މިނިސްޓްރީން ބުނީ ގޯސް ވުމުގެ ސަބަބުން "ދިވެހީންގެ ރާއްޖެ ފެސްޓިވަލް 2024" ކުޑަކުދިންގެ ހަވީރު މިއަދު ނޯންނާނެ ކަމަށެވެ.ފަހުން ބާއްވާނެ ކަމެއް ވެސް ނުބުނެ އެވެ.އާ އަހަރު ފެށުމުގެ މުނާސަބަތުގައި ދިވެހީންނަށް ހާއްސަ ކޮށް "ދިވެހީންގެ ރާއްޖެ ފެސްޓިވަލް" ގެ ނަމުގައި މިއަދު ފެސްޓިވަލެއް ބާއްވަން ނިންމާ ސަރުކާރުން އެކަން އިއުލާނު ކުރީ މިދިޔަ ބުރާސްފަތި ދުވަހު އެވެ.އެގޮތުން ހަވީރު ކުޑަކުދީންގެ ހަވީރަކާއި ރޭގަނޑު މިއުޒިކް ޝޯ އަކާއި ލޭޒާ ޝޯ އެއް ކުރިއަށް ގެންދަން އޮތީ ނިންމާފައެވެ.ނަމަވެސް ހުކުރު ދުވަހު އެ މިނިސްޓްރީން ވަނީ ރޭގަނޑުގެ ހަރަކާތްތައް ފަސްކޮށްފައިވާ ކަމަށް ބުނެފައެވެ. އެ ދުވަހު ފެސްޓިވަލްގައި ބައިވެރިވުމަށް ރާއްޖޭގެ އެކި ކަންކޮޅުތަކުގައި ތިބި ރައްޔިތުން ޝައުގުވެރިކަން އޮތް ކަމަށާ ނަމަވެސް މޫސުމާއިބެހޭ ގައުމީ އިދާރާއިން ރާއްޖޭގެ ސަރަހައްދުގެ މޫސުން ގޯސްވާނެ ކަމަށް ލަފާކޮށް މުޅި ރާއްޖެ ހިމެނޭހެން ރީނދޫ ސަމާލު ނެރެފައިވާތީ ދަތުރުފަތުރު ކުރުމުގައި ދިމާވާނެ ދަތިތަކާއި ގުޅިގެން ރޭގަނޑުގެ ހަރަކާތްތައް ފަސްކޮށްފައިވާ ކަަމަށެވެ.މޫސުން ރަނގަޅުވުމުން ފެސްޓިވަލް ބާއްވާނެ ތާރީހެއް އިއުލާނު ކުރާނެ ކަމަށް ވެސް ބުންޏެވެ.ނަމަވެސް އެނގިފައިވާ ގޮތުގައި އާ އަހަރުގެ އެއްވެެސް ހަރަކާތެއް ދެން ނުބާއްވާނެ އެވެ.
މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ