ރާއްޖޭގެ ތާރީހުގައި ހިންގި އެންމެ ބޮޑު ހިޔާނާތް ކަމަށްވާ އެމްއެމްޕީއާރްސީގެ ހިޔާނާތް ފަޅާއަރުވާލި ގާސިމް އަބްދުލްކަރީމް މޯލްޑިވިސް ސެންޓަރ ފޯ އިސްލާމިކް ފައިނޭންސް ލިމިޓެޑް (އެމްސީއައިއެފްއެލް)ގެ ޗެޗެއާމަންކަމުގެގާމަށް އައްޔަންކޮށްފިއެވެ.
އެމްއެމްޕީއާރުސީގެ ކޮރަޕްޝަންގެ މައްސަލަ ގާސިމް ފަޅާއަރުވީ ބޭންކް އޮފް މޯލްޑިވްސްގެ ފ. ނިލަންދޫ ބްރާންޗުގެ މެނޭޖަރު ކަމުގެ މަގާމުގައި ކުރިން ހުންނަ ވަނިކޮށެވެ.
އެ މަގާމުގައި ހުންނަވައިގެން ބީއެމްއެލްގެ މައުލޫމާތު ލީކް ކުރި މައްސަލާގައި އޭނާގެ މައްޗަށް 8 މަހާއި 12 ދުވަހަށް ޖަލު ހުކުމެއް އައިސްފައި ވެ އެވެ.
އެ ހުކުމް ތަންފީޒު ކުރުމަށްފަހު އޭނާ ޖަލުން މިނިވަންވެފައި ވަނީ 2016 ވަނަ އަހަރުގެ ތެރޭގައެވެ.
އެމްސީއައިއެފްއެލްއަކީ އިސްލާމިކް ފައިނޭންސް ކުރިއެރުވުމަށް ސަރުކާރުން އުފައްދާފައިވާ ކުންފުންޏެކެވެ.