ހަމާސްގެ ޣައްޒާ ގޮފީގެ ވެރިޔާ ޔަހްޔާ އައްސިންވާރު ހުރިތާކުން ހޯދައިގެން މަރާލާނެކަމަށްބުނެ އިސްރާއީލްގެ ދިފާއީ ވަޒީރު ޔުއާވް ގެލެންތު މިރޭ އިންޒާރެއް ދީފިއެވެ.
ގެލެންތު މިހެން ބުނެފައިވަނީ އިޒްރޭލުން ހިންގަމުން އަންނަ ހަނގުރާމައިގެ އަދާހަމަ ދިނުމަށް މިރޭ ބޭއްވި ޕްރެސް ބްރީފިންގައެވެ.
އޭނާ މިރޭ ބުނެފައިވަނީ މި ހަނގުރާމަ ނިމޭއިރު ޣައްޒާގައި ހަމާސް ޖަމާއަތެއް ނޯންނާނެކަމަށާއި އަދި ޣައްޒާއިން އިޒްރޭލަށް ހަމަލާއެއް ދޭނެ ކަމުގެ ބިރެއްވެސް ނޯންނާނެކަމަށެވެ.
އިޒްރޭލުގެ ދިފާއީ ވަޒީރު މިހެން ބުނެފައިވާއިރު އޮކްޓޯބަރު މަހުގެ ހަތްވަނަ ދުވަހުން ފެށިގެން އިސްރާއީލުން އަންނަނީ ހުއްޓުމެއްނެތި ޣައްޒާއަށް ހަމަލާދެމުންނެވެ. އެ ހަމަލާތައް ދެމުން އަންނަނީ ހަމާސް ނައްތާލައި ޣައްޒާގައި އިސްރާއީލުން ބޭނުންވާ ވެރިކަމެއް ގާއިމުކުރަން ކަމަށް ބުނެއެވެ.
އެހެންނަމަވެސް ހަމަލާތައް ދެމުން އަންނަނީ އާއްމު ރައްޔިތުންނަށާއި ކުޑަކުދިންނަށާއި އަންހެނުންނަށާއި އުމުރުން ދުވަސްވީ މީހުންނަށްވެސް އަމާޒުކޮށެވެ. ސިއްހީ ހިދުމަތްދޭ ތަންތަނާއި ސްކޫލުތަކާއި ރެފިއުޖީ ސެންޓަރުތަކަށްވެސް ބެލުމެއްނެތި އަންނަނީ ހަމަލާތައް ދެމުންނެވެ.
އިސްރާއީލުން އެއެއް މިއެއް ބެލުމެއްނެތި ދެމުން އަންނަ މި ހަމަލާތަކުގައި ޣައްޒާއިން ޝަހީދުވި މީހުންގެ އަދަދު މިއަދު ވަނީ 9،572 އަށް އަރާފައެވެ. ޒަޚަމްވި މީހުންގެ އަދަދު ވަނީ 26 ހާހުން މައްޗަށް ގޮސްފައެވެ.
Your email address will not be published. Required fields are marked *
ހިޔާލު * document.getElementById("comment").setAttribute( "id", "ad5feaf840db3c82797a541f72506ef8" );document.getElementById("bb7c1a6aaf").setAttribute( "id", "comment" );
ނަން
Δdocument.getElementById( "ak_js_1" ).setAttribute( "value", ( new Date() ).getTime() );
Email: [email protected] | Phone: +960 9770541Address: M. Golden Bones, 3rd Floor, Male’ Maldives© Copyright 2020, Dhuvas.mv, All Rights Reserved