ޕްރައިވެޓައިޒޭޝަން އެންޑް ކޯޕަރަޓައިޒޭޝަން ބޯޑު (ޕީސީބީ)އިން ސަރުކާރު ހިއްސާވާ ބައެއް ކުންފުނިތަކުގެ ބޯޑަށް ބަދަލުތަކެއް ގެނެސްފި އެވެ.
ވީ ކިހިނެއް؟ - ސަރުކާރުގެ ބައެއް ކުންފުނިތަކުގެ ބޯޑުން މެމްބަރުން ވަކިކޮށް، އަދި ބައެއް ކުންފުނިތަކަށް އާ ބޯޑު މެމްބަރުން އައްޔަންކޮށް އެކަން ޕީސީބީއިން މިއަދު ވަނީ އިއުލާންކޮށްފަ އެވެ.
ތަފްސީލު - އެގޮތުން އަލަށް އައްޔަންކުރި މެމްބަރުންނަކީ:
އެމްޓީސީސީގެ ޗެއާޕާސަން އަދި ބޯޑު ޑިރެކްޓަރަކަށް ސައާދާ އިބްރާހިމް، ދަފްތަރު ނަންބަރު ރސ 14819
އެމްއޭސީއެލްގެ ބޯޑު ޑިރެކްޓަރަކަށް އަހްމަދު ނާސިފް، ރިވާސައިޑް/ ސ. ހުޅުދޫ
އޭއައިއޭގެ ބޯޑު ޑިރެކްޓަރަކަށް ޝެރީނާ ސޯލިހު، ވެލްކަމްވިލާ/ ސ. ހިތަދޫ
ބޯޑުން ވަކިކުރީ:
ވީއެމްސީގެ ބޯޑު ޑިރެކްޓަރުގެ މަގާމުން އައިޝަތު އަލީ، މ. ވާރޭވިލާ/ މާލެ
އެމްޕީއެލްގެ ބޯޑު ޑިރެކްޓަރުގެ މަގާމުން އާމިނަތު ރައިޝަމް
ގުޅުން ހުރި - މިދިޔަ 4 އޭޕްރީލްގައި ބޭއްވި ކައުންސިލް އިންތިހާބާ އެކު، ރައްޔިތުންގެ ހިޔާލު ހޯދުމުގެ ވޯޓުގައި ސަރުކާރުން ހުށަހެޅި ގޮތަށް ބޮޑު ނާކާމިޔާބީއެއް ލިބުނު ފަހުން ސަރުކާރުގެ އޮނިގަނޑާއި ކުންފުނިތަކުގެ އިސް މަގާމުތަކަށް އެކި ފަހަރު މަތިން ބޮޑެތި ބަދަލުތަކެއް ވަނީ ގެެނެސްފަ އެވެ.