ދެ ސްޕީޑްބޯޓެއް ދޫކުރާ ދިރާގުގެ 'އެންރޯލް އެންޑް ވިން 2 ސްޕީޑްބޯޓްސް' ޕްރޮމޯޝަނުގެ ފުރަތަމަ ނަސީބުވެރިއަކަށް ހޮވުނު ޢަބްދުالله ސަޢީދުއާ މިއަދު ސްޕީޑުބޯޓު ހަވާލުކޮށްފިއެވެ. އެ ސްޕީޑުބޯޓު ސައީދުއާ ހަވާލުކުރީ، މިއަދު ތިލަފުށީ ބޯޓުޔާޑުގައި ބޭއްވި ޚާއްސަ ރަސްމިއްޔާތެއްގައެވެ. އެ ރަސްމިއްޔާތުގައި ސައީދުގެ އާއިލާގެ ވެސް ބައިވެރިވިއެވެ. އެ ޕްރޮމޯޝަނުން ސައީދަށް ލިބުނީ، 250 ހޯސްޕަވަރުގެ އިންޖީނެއް ހިމެނޭ އަލް ޝާލީ މެރިން ކެނެރީ 28 މޮޑެލްގެ ސްޕޯޓްސް ސްޕީޑްބޯޓެކެވެ. ދިރާގުގެ ލޯންޗު ލިބުނު ސައީދު ---- ފޮޓޯ/ ދިރާގު ސައީދު މީގެ ކުރިން ވަނީ، ރިސޯޓެއްގައި ބުރަކޮށް މަސައްކަތްކުރަމުން އަންނާތީ، ވިސްނުން ހުރީ ލޯންޗު ވިއްކާލުމަށް ކަމަށް ބުނެފައެވެ. އަދި، އޭނާގެ ވިސްނުން ހުރީ ރައްޓެއްސަކަށް، ނުވަތަ ގާތްތިމާގެ މީހަކަށް ލޯންޗު ވިއްކާލުމަށް ކަމަށް ސައީދު ބުނެފައިވެއެވެ. https://sun.mv/216806 ދިރާގުން ބުނީ، ދެ ސްޕީޑްބޯޓު ލިބޭ މި ޕްރޮމޯޝަންގެ ދަށުން ހުށަހަޅާފައިވާ ފުރަތަމަ ސްޕީޑްބޯޓު ހޯދުމުގެ ފުރުސަތު ހަމަވެފައިވީ ނަމަވެސް، ދެވަނަ ސްޕީޑްބޯޓު ކާމިޔާބުކުރުމުގެ ފުރުސަތު އަންނަ މާރިޗު މަހުގެ ނިޔަލަށް ހުޅުވިފައިވާ ކަމަށެވެ. އެގޮތުން، ދިރާގުގެ މިހާރުގެ ކަސްޓަމަރުންނަށާއި އާ ކަސްޓަމަރުންނަށް މި ޕްރޮމޯޝަނަށް ޚާއްސަ ޕޯޓަލް މެދުވެރިކޮށް މާރިޗު މަސް ނިމެންދެން ބައިވެރިވެވޭނެއެވެ. ސްޕީޑުބޯޓު ހަވާލުކުރި ރަސްމިއްޔާތުގައި ސައީދުގެ އާއިލާއާއި ދިރާގުގެ އިސްވެރިން --- ސަން ފޮޓޯ/ އާއިޝް އަޝްރަފް ދިރާގުން ބުނީ ދިރާގު ޕްރީޕެއިޑް ޕްލޭންތަކަށް 450 ރުފިޔާ ނުވަތަ އެއަށްވުރެ އިތުރަށް ރީލޯޑްކުރާ ކަސްޓަމަރުންނަށާއި ދިރާގު ޕޯސްޓްޕެއިޑް 450 ނުވަތަ އެއަށްވުރެ މަތީ ޕްލޭންތައް ބޭނުންކުރާ ކަސްޓަމަރުންނަށާއި އަމިއްލަ ޕޯސްޓްޕެއިޑް ޕްލޭންއަކަށް 450 ރުފިޔާ ނުވަތަ އެއަށްވުރެން މަތިން ބިލްދައްކާ ކަސްޓަމަރުންނަށް މި ޕްރޮމޯޝަންގައި ބައިވެރިވެވޭނެ ކަމަށެވެ. ދިރާގު ލިމިޓެއްނެތް ފައިބާ 40އެމް ނުވަތަ އެއަށްވުރެ މަތީގެ ޕްލޭންތަކުގެ ކަސްޓަމަރުންނަށް ވެސް މި ޕްރޮމޯޝަންގެ ލަކީ ޑްރޯގައި ބައިވެރިވެވޭނެކަމަށް ދިރާގުން ބުންޏެވެ.