ވަގަށް ނަގާފައިވާކަމަށް ބެލެވޭ ކަރަންޓު ނަރު ރޯލުތަކެއް ވިއްކަން އުޅުނު މީހަކު ހައްޔަރުކޮށްފި އެވެ.
މި މައްސަލައާ ގުޅިގެން ފުލުހުންގެ ބެލުމުގެ ދަށަށް ގެނެސްފައިވަނީ 33 އަހަރުގެ ދިވެހި ފިރިހެނެކެވެ
ފުލުހުން ބުނީ އޭނާ ފުލުހުންގެ ބެލުމުގެ ދަށަށް ގެނެސްފައިވަނީ ވަގަށް ނަގާފައިވާ ކަމަށް ބެލެވޭ ކަރަންޓު ނަރު ރޯލުތައް ވިއްކަން މަސައްކަތްކުރަމުން ދަނިކޮށް އެވަގުތު ހުޅުމާލެ ޕެޓްރޯލް ކުރުމުގައި ހަރަކާތްތެރިވަމުންދިޔަ ހުޅުމާލެ ޕޮލިސް ސްޓޭޝަނުގެ ފުލުހުންނަށް ފެނުމާއި ގުުޅިގެން މިއަދު 11:15 ހާއިރު ހުޅުމާލެއިން ހުޅުލެއަށް ދާން އޮންނަ މަގުން ކަމަށެވެ.
އެ މައްސަލާގައި ފުލުހުންގެ ބެލުމުގެ ދަށަށް ގެނެސްފައިވާ މީހާއަކީ އަށް ފަހަރު ފުލުހުންގެ ބެލުމުގެ ދަށަށް ގެނެސް ފަސް ފަހަރު ހައްޔަރުކޮށްފައިވާ މީހެކެވެ. އޭގެ އިތުރުން އޭނާގެ މައްޗަށް ތުހުމަތުކުރެވޭ މައްސަލައެއްގައި ދައުވާ ކުރުމަށް ޕްރޮސެކިއުޓަ ޖެނެރަލްގެ އޮފީހަށް ފޮނުވާފައިވެ އެވެ. އަދި އޭނާއަކީ މަސްތުވާތަކެއްޗާއި ބިރުދެއްކުމާއި ވައްކަންކުރުމުގެ މައްސަލަތަކުގެ ރެކޯޑް އޮންނަ މީހެއް ކަމަށާއި އެ މައްސަލަ ހުޅުމާލެ ޕޮލިސް ސްޓޭޝަނުން ތަހުގީގު ކުރަމުންދާ ކަމަށްވެސް ފުލުހުން ބުނެ އެވެ.