ރައީސް އަލްއުސްތާޒު މައުމޫން އަބުދުލްގައްޔޫމުގެ ދަނބިދަރިކަލުން މުހައްމަދު ނަދީމުގެ ކުށަކީ ޔުމްނާ މައުމޫނާއި ކައިވެނިކޮށްގެން އުޅުންކަމަށް އެކަމަނާ ވިދާޅުވެއްޖެއެވެ.
ކުއްލި ނުރައްކަލުގެ ހާލަތު އިއުލާނުކުރުމަށްފަހު އެންމެ ފުރަތަމަ ފުލުހުން ހައްޔަރުކޮށްފައިވަނީ ރައީސް މައުމޫނާއި، މުހައްމަދު ނަދީމެވެ.
ފިރިކަލުންނާއި މިއަދު ބައްދަލުކުރެއްވުމަށްފަހު ކުރައްވާފައިވާ ޓްވީޓެއްގައި ޔުމްނާ ވިދާޅުވެފައިވަނީ ޖަލުން މިނިވަންވެވަޑައިގެން ވަރަށް އަވަހަށް ފިރިކަލުން ގެއަށް ވަޑައިގަންނަވާނެކަމަށް އުންމީދުކުރައްވާކަމަށެވެ.
އަދި މިއަދު ނަދީމު ޖަލުގައި ބަންދުކޮށްގެން ގެންގުޅެމުންދާއިރު، ނަދީމުގެ ހަމައެކަނި ކުށަކީ އެކަމަނާއާއި ކައިވެނިކުރައްވައިގެން އުޅުއްވުންކަމަށް ޔުމްނާ ވިދާޅުވިއެވެ.