ކޮންމެ އަހަރެއްގެ ރޯދަމަހު ކުޅުދުއްފުށި ޒިގްޒެގް ފޯ ޔޫތް ލިންކޭޖުން ބާއްވަމުން އަންނަ ޒިގްޒެގް ރަމަޒާން ކަޕް 1447 ކާމިޔާބުކަމާއެކު ނިންމާލައިފި އެވެ.
މިދިޔަ ފެބްރުއަރީ މަހު 27 ގައި ފެށި މި މުބާރާތުގައި ޖުމްލަ 8 ޓީމަކުން ވަނީ ވާދަކޮށްފަ އެވެ. ދެގްރޫޕަކަށް ބަހާލައިގެން ކުޅުނު މިމުބާރާތުގެ ގްރޫޕް އޭގައި ހިމެނުނީ އެމްޕަރާސް، ބްލެކް ރީޕާސް އަދި ނެބުލާސްގެ އިތުރުން ލޯބޯސް އެވެ.
ގްރޫޕް ބީގައި ވާދަކުރި ޓީމުތަކަކީ ރެޑް ރެޕްޓާސްއާއި ދި ޕިސްޓާޝިއޯސްގެ އިތުރުން ޕްލާސްމާ 8 އަދި ހީޓް ވޭވް އެވެ. މުބާރާތުގައި އެކި އެކި ޓީމުތަކުން ވަނީ ގިނަ އަދަދެއްގެ ކުޅުންތެރިން ވާދަކޮށް ފޯރިގަދަ ކުޅުމެއް ފެނިގެންގޮސްފަ އެވެ.
ބްލެކް ރީޕާސް އަދި ދި ޕިސްޓާޝިއޯސް ބައްދަލުކުރި ފައިނަލް މެޗުގެ ތެރެއިން--- ފޮޓޯ: ޒިގްޒެގް
ބްލެކް ރީޕާސް އަދި ދި ޕިސްޓާޝިއޯސް ބައްދަލުކުރި ފައިނަލް މެޗުގެ ތެރެއިން--- ފޮޓޯ: ޒިގްޒެގް
ބްލެކް ރީޕާސް އަދި ދި ޕިސްޓާޝިއޯސް ބައްދަލުކުރި ފައިނަލް މެޗުގެ ތެރެއިން--- ފޮޓޯ: ޒިގްޒެގް
ބްލެކް ރީޕާސް އަދި ދި ޕިސްޓާޝިއޯސް ބައްދަލުކުރި ފައިނަލް މެޗުގެ ތެރެއިން--- ފޮޓޯ: ޒިގްޒެގް
މިމުބާރާތުގެ ފައިނަލް ކުޅެފައިވަނީ އިއްޔެ ހަވީރު ކުޅުދުއްފުށީ ޒިގްޒެގް ދަނޑުގަ އެވެ. ފައިނަލުގައި ވާދަކޮށްފައިވަނީ ދި ޕިސްޓާޝިއޯސް އަދި ބްލެކް ރީޕާސް އެވެ. ދި ޕިސްޓާޝިއޯސް ފައިނަލަށް ދަތުރުކޮށްފައިވަނީ ސެމީގައި 4 - 2 ން އެމްޕަރާސްގެ މައްޗަށް ކުރިހޯދައިގެންނެވެ.
ބްލެކް ރީޕާސް ފައިނަލަށް ދަތުރުކުރީ ސެމީ ފައިނަލުގައި ރެޑް ރެޕްޓާސް 8 - 3 ގެ ބޮޑުތަފާތަކުން ބަލިކޮށް ފަސޭހަ މޮޅަކާއެކުގަ އެވެ. އެހެންނަމަވެސް އެޓީމު ވަނީ ފައިނަލުގައި މޮޅު ކުޅުމެއް ދެއްކި ނަމަވެސް ހަނި ތަފާތަކުން ދި ޕިސްޓާޝިއޯސް އަތުން ބަލިވެފަ އެވެ.
ބްލެކް ރީޕާސް އަދި ދި ޕިސްޓާޝިއޯސް ބައްދަލުކުރި ފައިނަލް މެޗުގެ ތެރެއިން--- ފޮޓޯ: ޒިގްޒެގް
ބްލެކް ރީޕާސް އަދި ދި ޕިސްޓާޝިއޯސް ބައްދަލުކުރި ފައިނަލް މެޗުގެ ތެރެއިން--- ފޮޓޯ: ޒިގްޒެގް
ބްލެކް ރީޕާސް އަދި ދި ޕިސްޓާޝިއޯސް ބައްދަލުކުރި ފައިނަލް މެޗުގެ ތެރެއިން--- ފޮޓޯ: ޒިގްޒެގް
ބްލެކް ރީޕާސް އަދި ދި ޕިސްޓާޝިއޯސް ބައްދަލުކުރި ފައިނަލް މެޗުގެ ތެރެއިން--- ފޮޓޯ: ޒިގްޒެގް
ބްލެކް ރީޕާސް އަދި ދި ޕިސްޓާޝިއޯސް ބައްދަލުކުރި ފައިނަލް މެޗުގެ ތެރެއިން--- ފޮޓޯ: ޒިގްޒެގް
ބްލެކް ރީޕާސް އަދި ދި ޕިސްޓާޝިއޯސް ބައްދަލުކުރި ފައިނަލް މެޗުގެ ތެރެއިން--- ފޮޓޯ: ޒިގްޒެގް
ފައިނަލުގައި ދި ޕިސްޓާޝިއޯސްއިން ވަނީ 3 - 2 ގެ ނަތީޖާއަކުން ބްލެކް ރީޕާސް ބަލިކޮށް މުބާރާތުގެ ޗެމްޕިއަންކަން ހޯދާފަ އެވެ. ފައިނަލުގައި ފުރަތަމަ ލަނޑު ޖަހާ ލީޑު ނަގާފައިވަނީ ބްލެކް ރީޕާސްއިންނެވެ. މެޗު ފެށިގެން 3 ވަނަ މިނެޓުގައި ބްލެކް ރީޕާސްގެ މަތީން އެޓީމަށް ލީޑު ނަގައިދިން ނަމަވެސް 8 ވަނަ މިނެޓުގައި އަޒްހަދު ވަނީ ދި ޕިސްޓާޝިއޯސްއަށް ލަނޑެއް ޖަހާ ނަތީޖާ ހަމަހަމަކޮށްދީފަ އެވެ.
އަދި ނަތީޖާ އެއްވަރުކުރިތާ ދެމިނެޓުފަހުން އަނެއްކާވެސް ޕިސްޓާޝިއޯސް ޓީމުގެ ނާއިލް ކާމިޔާބުކޮށްދިން ލަނޑާއެކު އެޓީމުން މެޗުގައި ފުރަތަމަ ފަހަރަށް ލީޑު ނެގި އެވެ. މެޗުގެ ފުރަތަމަ ހާފު ނިމުނީ 2 - 1 ން ޕިސްޓާޝިއޯސް ކުރީގައި އޮވެގެންނެވެ. ދެވަނަ ހާފުގައި ކުޅެން ނުކުމެ ދެޓީމުން ވެސް ފޯރިގަދަ ކުޅުމެއް ދެއްކި އެވެ.
ޑްރީމް ޓީމް--- ފޮޓޯ: ޒިގްޒެގް
އެންމެ އުއްމީދީ ކުޅުންތެރިޔާ އަޒްހަދު--- ފޮޓޯ: ޒިގްޒެގް
ރަނަރަޕް ބްލެކް ރީޕާސް--- ފޮޓޯ: ޒިގްޒެގް
ފައިނަލް މެޗުގެ މޮޅު ކުޅުންތެރިޔާ ނާއިލް--- ފޮޓޯ:ޒިގްޒެގް
ޓޮޕް ސްކޯރާ އަލީ އާދަމް--- ފޮޓޯ: ޒިގްޒެގް
ޗެމްޕިއަން ދި ޕިސްޓާޝިއޯސް--- ފޮޓޯ: ޒިގްޒެގް
ބެސްޓް ވެޓެރަން ރޯޒޭ--- ފޮޓޯ: ޒިގްޒެގް
މެޗުގެ 32 ވަނަ މިނެޓުގައި ނާއިލް ޕިސްޓާޝިއޯސްގެ ތިންވަނަ ލަނޑު ކާމިޔާބުކޮށްދިނެވެ. އެހެންނަމަވެސް އޭގެ ދެމިނެޓުފަހުން ބްލެކް ރީޕާސްގެ އެޑަމް ވަނީ ލަނޑެއް ޖަހާ ނަތީޖާގެ ފަރަގު ކުޑަކޮށްދީފަ އެވެ. ނަމަވެސް މެޗު ނިމުމުގެ ކުރިން އެޓީމަށް ނަތީޖާ ހަމަހަމަކުރެވޭ ގޮތެއް ނުވި އެވެ. މިމެޗުގެ މޮޅު ކުޅުންތެރިޔާގެ މަގާމު ހޯދީ ދި ޕިސްޓާޝިއޯސްގެ ޖާޒީ ނަމްބަރު 11 ނާއިލް އެވެ.
މުބާރާތުގެ އެހެން ވަނަތަކަށް ބަލާލާއިރު މުބާރާތުގެ އެންމެ ގިނަ ގޯލު ޖެހި ކުޅުންތެރިޔާގެ މަގާމު ޖުމްލަ 6 ގޯލާއެކު ޕްލާސްމާ 8ގެ އަލީ އާދަމް (ބާޑޭ އަލީ) އެވެ. އުމުރުން ދުވަސްވީ އެންމެ މޮޅު ކުޅުންތެރިޔާގެ މަގާމު ހޯދާފައިވަނީ ރޯޒޭ އެވެ.
އެންމެ އުއްމީދީ ކުޅުންތެރިޔާގެ މަގާމު ޕިސްޓާޝިއޯސްގެ އަޒްހަދު ވަނީ ހާސިލްކޮށްފަ އެވެ. މުބާރާތުގެ ޑްރީމް ޓީމުގައި ހިމެނުނީ ބްލެކް ރީޕާސްގެ މަތީންއާއި އެޑަމް އަދި ޖަންނަގެ އިތުރުން ޕިސްޓާޝިއޯސްގެ ރައިހާން އަދި ނާއިލް އެވެ.