ކޮވިޑް-19 އާ ގުޅިގެން ހެލްތް ޕްރޮޓެކްޝަން އެޖެންސީ (އެޗްޕީއޭ)އިން ކަރަންޓީންކޮށްފައިވާ ނ.މިލަދޫ އިން ފުރި ހަތަރު މީހަކު ހައްޔަރުކޮށްފިއެވެ.
ފުލުހުން މިއަދު ވިދާޅުވީ، މިލަދޫ ޓާސްކް ފޯސް އަދި މިލަދޫ ޑެސްކް ފުލުހުންނަށް ވެސް ސިއްރުން މިލަދޫން ފުރައިގެންދިޔަ ހަތަރު މީހަކު ހައްޔަރުކޮށްފައިވާ ކަމަށެވެ.
މިއަދު މެންދުރު 3:58 ހާއިރު މި މީހުން ހައްޔަރުކޮށްފައިވާއިރު، މި މީހުން ހައްޔަރިކޮށްފައި ވަނީ އަނބުރާ މިލަދޫ އަށް އައިސް ފަޅަށް ވަންތަނުން ކަމަށް ފުލުހުން ވިދާޅުވިއެވެ.
އެ މައްސަަލައާ ގުޅިގެން ހައްޔަރުކޮށްފައި ވަނީ، އުމުރުން 30 އަހަރާއި، 36 އަހަރާއި، 38 އަހަރު އަދި 23 އަހަރުގެ ފިރިހެނެކެވެ.
ފުލުހުން ދަނީ މި މައްސަލަ އިތުރަށް ތަހުގީގު ކުރަމުންނެވެ.
ކަރަންޓީންކޮށްފައިވާ މިލަދޫން ފުރި ބަޔަކު ހައްޔަރުކޮށްފި
އަރުޝީފަށް ނެގީ
އެންމެފަހުން އަޕްޑޭޓްކުރީ
އެންމެފަހުން އަޕްޑޭޓްކުރީ