އެޕަލްގެ ކުރިއަށް އޮތް އައިފޯން 17 އެއާގައި ވަރަށް ތުނިވާނެ ކަމަށް އަޑުފެތުރިފައިވާއިރު، މިއީ ފަހަކަށް އައިސް ނެރޭ އެންމެ ތުނި އައިފޯނަށް ވެދާނެ ކަމަށް ބެލެވޭ އިރު، ފޯނުގެ ބެޓެރީއާ މެދު ކަންބޮޑުވުން ތައް ދަނީ އިތުރުވަމުންނެވެ. އެޕަލް އިން މިކަންކަމަށް ހައްލެއް ހޯދުމަށް އެޑްވާންސް ސިލިކަން ބެޓެރީ ޓެކްނޮލޮޖީ ހޯދަމުން އަންނަ ކަމަށް އާ ރިޕޯޓްތައް ބުނެ އެވެ.
ބްލޫމްބާގްއިން ރިޕޯޓްކޮށްފައިވާ ގޮތުގައި ބެޓެރީ ސަޕްލައިކުރާ ޓީޑީކޭގެ ނެކްސްޓް ޖެނެރޭޝަންގެ ބެޓެރީ ޑިވެލޮޕްމެންޓް ޝެޑިއުލަށް ވުރެ ކުރިން ކުރިއަށް އެބަދެ އެވެ. މި އަޕްގްރޭޑްގެ ސަބަބުން ގްރެފައިޓް އެނޯޑްގެ ބަދަލުގައި ސިލިކަން ބޭސްޑް އެނޯޑެއް ބޭނުންކުރެވި، އެއް ފިޒިކަލް ސްޕޭސްއެއްގެ ތެރޭގައި އެނާޖީ ޑެންސިޓީ ގާތްގަނޑަކަށް %15 އިތުރުކޮށްދެ އެވެ.
ޓީޑީކޭއިން ޖޫން މަހުގެ ފަހުކޮޅު އާ ބެޓެރީތައް ޑެލިވަރީ ކުރަން ފަށާނެ ކަމަށް ބެލެވޭއިރު، އެޕަލް އިން ސެޕްޓެމްބަރު މަހުގެ އާންމުކޮށް އައިފޯނު ލޯންޗްކުރާ ދުވަސްވަރާ އެއްގޮތަށް އައިފޯން 17 ސީރީޒްގައި ހިމެނުމުގެ ފުރުސަތު އޮންނާނެ އެވެ. މިއީ އައިފޯން 17 އެއާއަށް ވަރަށް މުހިންމު ކަމަކަށް ވެދާނެ ކަމަށާއި، އައިފޯން 16 ޕްލަސް ގެ ބަދަލުގައި ބެޓެރީ ކޮމްޕޯނެންޓްތަކަށް ޖާގަ ކުޑަކޮށް ކޮމްޕެކްޓް ޑިޒައިނެއް ދައްކާލާނެ ކަމަށް ބެލެވެ އެވެ.
އެޕަލް އިން މި އާ ސެލްތައް ވަގުތުން ބޭނުންކުރާނެ ކަން ނޭނގުނު ނަމަވެސް، ޓީޑީކޭ އަކީ އެޕަލް އާއި ސެމްސަންގްއަށް ވެސް ބެޓެރީ ސަޕްލައި ކުރާ ކުންފުންޏެކެވެ. ސެމްސަންގުން އަމިއްލަ އަލްޓްރާ ސްލިމް ސްމާޓްފޯނެއް ކަމަށްވާ ގެލެކްސީ އެސް25 އެޖް މިހާރު ވެސް ތައާރަފްކޮށްފައިވާއިރު، ބޮޑެތި ބްރޭންޑްތަކުން އަންނަނީ އިތުރު އެފިޝިއަންޓް ބެޓެރީތައް ބޭނުންކުރެވޭނެ ތުނި ޑިޒައިންތަކަށް ސަމާލުކަން ދެމުންނެވެ.
އައިފޯން 17 އެއާގައި 2،800 މިލިއެމްޕިަރުގެ ބެޓެރީއެއް ހުންނާނެ ކަން ދާދި ފަހުން ލީކުވި އިރު، މިއީ އައިފޯން 16 ޕްލަސްގައި ހިމެނޭ 3،651 އެމްއޭއެޗްގެ ބެޓެރީއަށް ވުރެ ވަރަށް ކުޑަ ބެޓެރީއެކެވެ. ބެޓެރީގެ ލައިފްއާ ބެހޭ ގޮތުން ތަފާތު އަންދާޒާތައްވެ އެވެ. އެއް ރިޕޯޓެއްގައި މުޅި ދުވަހުގެ ޕާފޯމަންސް ޔަގީން ނުވެދާނެ ކަމުގެ އިންޒާރު ދީ، އާ ބެޓެރީ ކޭސް އެކްސެސަރީއެއް ގެންނަން ލަފާ ދިން އިރު، މާޗް މަހުގެ އަނެއް ލީކުގައި ބުނެފައި ވަނީ މި ޑިވައިސްގެ ސަބަބުން މިހާރުގެ މޮޑެލްތަކާ އަޅާބަލާއިރު ބެޓެރީ ލައިފް ލިބޭނެ ކަމަށެވެ. އެހެން ނަމަވެސް އައިފޯން 17 އެއާ އަދިވެސް ޓެސްޓު ކުރަމުން އަންނަ އިރު، އެއީ ދެބަސްވެދާނެ  ރިޕޯޓްތަކަށް ވެދާނެ އެވެ.
އާ 2،800 އެމްއޭއެޗްގެ ބެޓެރީއަކީ އެޕަލްގެ ރޭންޖުގައި އާ ބެޓެރީއެއް ނޫނެވެ. ބައެއް ޚަބަރުތައް ބުނާގޮތުން އައިފޯން 12 އަދި 12 ޕްރޯގައި ވެސް އެއް ކެޕޭސިޓީގެ ބެޓެރީތަކެއް ހިމަނާފައިވެ އެވެ. އެ ޑިވައިސްތަކުން ވަރަށް ރަގަޅު އެންޑިއުރެންސް ނުލިބުނު ނަމަވެސް، އެ ޑިވައިސްތަކުގެ ބެޓެރީ ލައިފް ބޭނުންކުރާ ގިނަ ބަޔަކަށް ފުދޭ ކަމަށް ބެލެވުނެވެ.