ވޯޓްގައި ބައިވެރިނުވާ 11 މެންބަރުންގެ ތެރެއިން ނުވަ މެންބަރުން ވީ ރަށުން ބޭރުގައި ކަމަށެވެ. އަދި ވޯޓްގައި ބައިވެރިނުވީ ދެ މެންބަރުން ކަމަށާ އެ މެންބަރުން ވޯޓްގައި ބައިވެރިނުވީ ސަބަބު ބަލާނެ ކަމަށެވެ.
ސުޕްރީމް ކޯޓުގެ ފަނޑިޔާރުންގެ ބެންޗު، ފަސް ފަނޑިޔާރުންނަށް މަދުކުރަން، ރައްޔިތުންގެ މަޖިލީހުގެ މެމްބަރަކު އަމިއްލަ ގޮތުން ހުށަހެޅުއްވި ބިލު، މަޖިލީހަށް ބަލައިގަތުމަށް ޕީއެންސީން ވޯޓް ނުދިނީ ދެ މެންބަރުން ކަމަށާ އެ މެންބަރުން އެކަން ކުރި ސަބަބު ބަލާނެ ކަމަށް ޕީއެންސީން ބުނެފި އެވެ.
ސުޕްރީމް ކޯޓުގައި މިހާރު ތިއްބެވި ހަތް ފަނޑިޔާރުންގެ ބެންޗު، ފަސް ފަނޑިޔާރުންނަށް ހުށަހަޅުއްވާފައިވަނީ، ހޮޅުދޫ ދާއިރާގެ ޕީއެންސީގެ މެމްބަރުން އަބްދުއްސައްތާރު މުހައްމަދެވެ. ސަރުކާރު ހިންގާ ޕާޓީއަށް ނިސްބަތްވެވަޑައިގެންނެވިޔަސް، އޭނާ އެ ބިލު ހުށަހަޅުއްވާފައިވަނީ އަމިއްލަ ގޮތުންނެވެ. އެ ބިލު މަޖިލީހަށް ބަލައިގަތުމާ މެދު މިއަދުގެ ޖަލްސާގައި ކުރިއަށްދިޔަ ބަހުސްގައި މަޖިލީހުގެ ސާފު އަޣުލަބިއްޔަތު އޮތް ޕީއެންސީގެ މެމްބަރުން ވަނީ އެ ބިލަށް ތާއީދު ކުރައްވާ ކަމަށް ވިދާޅުވެފަ އެވެ.އެ ބިލު މަޖިލީހަށް މިއަދު ބަލައިގެންފައިވަނީ، އެކަމަށް ނެގުނު ވޯޓުގައި ބައިވެރިވެވަޑައިގެންނެވި 64 މެމްބަރުންގެ އަޣުލަބިއްޔަތުންނެވެ. އެ ބިލު ބަލައިގަތުމާ ދެކޮޅަށް 12 މެމްބަރަކު ވޯޓު ދެއްވި އެވެ.ވޯޓްގައި ބައިވެރިނުވާ 11 މެންބަރުންގެ ތެރެއިން ނުވަ މެންބަރުން ވީ ރަށުން ބޭރުގައި ކަމަށެވެ. އަދި ވޯޓްގައި ބައިވެރިނުވީ ދެ މެންބަރުން ކަމަށާ އެ މެންބަރުން ވޯޓްގައި ބައިވެރިނުވީ ސަބަބު ބަލާނެ ކަމަށެވެ.މިއަދުގެ ޖަލްސާގައި ބިލުގެ ބަހުސްގައި ވާހަކަ ދައްކަވަމުން، ދިއްގަރު ދާއިރާގެ ޕީއެންސީ މެމްބަރު އަދި މަޖިލީހުގެ ނައިބު ރައީސް އަހުމަދު ނާޒިމް ވިދާޅުވީ ސުޕްރީމް ކޯޓުގެ ފަނޑިޔާރުން ތިއްބެވީ ސިޔާސީ އޮއިވަރުގައި ޖެހިގެން ކަމަށާއި އަދި ސިޔާސީ ކަންކަމުގެ ތެރެއަށް ވަދެ ސިޔާސީ ހުކުމްތައް ނެރެމުންދާ ކަމަށެވެ."ސިޔާސީ ވެރިން ޖަހާ ބެރުތަކަށް ނެށުމަށް ތައްޔާރަށް ތިބިކަމުގެ ސިގްނަލްތައް ދެމުންދާ ތަން ފެންނަނީ،" ނާޒިމް ވިދާޅުވި އެވެ.ނާޒިމް ވިދާޅުވީ ބިލް ބަލައިގަނެ، މިއީ ގެންނަން ފެންނަ ބަދަލަކަށްވާ ނަމަ އެކަން ކުރަން ޖެހޭ ކަމަށެވެ. އޭގެ ރައްދުގައި، އިދިކޮޅު އެމްޑީޕީގެ މެމްބަރުން ވަނީ މި ބިލަކީ ސަރުކާރުން ޖުޑީޝަރީއަށް ނުފޫޒު ފޯރުވަން ހިންގާ އަމަލެއްގެ ގޮތުގައި ސިފަކޮށްފަ އެވެ. ހިތަދޫ ދެކުނު ދާއިރާގެ އެމްޑީޕީގެ މެންބަރު އަދި މަޖިލީހުގެ މައިނޯރިޓީ ލީޑަރު އިބްރާހިމް ނާޒިލް ވިދާޅުވީ ސުޕްރީމް ކޯޓުގެ ބެންޗުގެ އަދަދު މަދުކުރަން މަސައްކަތް ކުރަނީ ސަރުކާރުން މި ވަގުތު ބޭނުންވާ ކަންތައްތަކެއް ކޯޓުގެ ތެރެއިން ނުކުރެވިގެން ކަމަށެވެ."މި މަޖިލިސް މެންބަރުން ލައްވާ މިގޮތަށް މިކަން ކުރުވުމަކީ މެންބަރުންގެ ބޮލުގައި އެއިރަކު އޮންނަ ސަރުކާރަކުން އަބަދުވެސް އަޅުވާ ބޮޑު ސިންގާ ކަމެއް،" ނާޒިލް ވިދާޅުވި އެވެ.
މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ