ޣާޒީ ސްކޫލް ކުރިމަތީ ބިމުގައި ހުރި ވެހިކަލްތައް ނަގަން ފުލުހުން އަންގައިފިއެވެ.
ފުލުހުން ބުނީ ، ޣާޒީ ސްކޫލް ކުރިމަތީ އޮންނަ ބިން، މާދަމާގެ ކުރިން ހުސްކުރަން ބޭނުންވާ ކަމަށެވެ. އެ ގޮތުން އެ ސަރަހައްދުގައި ޕާކުކޮށްފައިވާ އެންމެހައި އުޅަނދާއި، ބަހައްޓާފައިވާ އެހެނިހެން ތަކެތި ނެގުމަށް ފުލުހުން ވަނީ ބުނެފައެވެ.
ފުލުހުން އިތުރަށް ބުނީ މާދަމާގެ ފަހުން އެ ސަރަހައްދުގައި ބަހައްޓާފައި ހުރި ތަކެތި، އެހެން ސަރަހައްދުތަކަށް ބަދަލު ކުރެވޭނެ ކަމަށާއި އެ ތަކެތި ފުލުހުންގެ ބެލުމުގެ ދަށަށް ގެންނަންޖެހޭ ހާލަތްތަކުގައި އެ ކަން ވެސް ކުރާނެ ކަމަށެވެ.
ޣާޒީ ސްކޫލް ކުރިމަތީ އޮންނަ ބިމުގައި ގިނަ އަދަދެއްގެ ވެހިކަލްތައް ޕާކުކޮށްފައި ހުރެއެވެ. ގިނައިން އެތަނުގައި ޕާކު ކޮށްފައި ހުންނަނީ ކާރުތަކެވެ.