ފަލާހްގެ ވާހަކަފުޅުގައި، ނިމިގެންދިޔަ ލޯކަލް ކައުންސިލް އިންތިޚާބުގެ ނަތީޖާއަށް އަލިއަޅުއްވާލައްވަމުން ވިދާޅުވީ، ރާއްޖޭގެ ގިނަ ރަށްތަކުގެ މެޖޯރިޓީ ރައްޔިތުން ޕީއެންސީއަށް ދީފައިވަނީ ސަރުކާރުގެ ސިޔާސަތުތަކަށް އޮތް އިތުބާރެއްގެ ބޮޑުކަމުން ކަމަށެވެ. ޚާއްޞަކޮށް ތޮއްޑޫ ދާއިރާ ފަދަ ކުރިން އެމްޑީޕީގެ ތާއީދު ބޮޑު ދާއިރާތަކުން ޕީއެންސީއަށް މެޖޯރިޓީ ލިބުމަކީ ރައްޔިތުން ބަދަލު ބޭނުންވެފައިވާ މިންވަރު ހާމަކޮށްދޭ ކަމެއް ކަމަށް އޭނާ ފާހަގަކުރެއްވިއެވެ.