ސިފައިންގެ 123 ވަނަ އަހަރީ ދުވަހުގެ މުނާސަބަތުގައި ބާއްވާ ސިފައިންގެ އާއިލީ ހަވީރު ރައީސުލްޖުމްހޫރިއްޔާގެ އަނބިކަނބަލުން ފާތިމަތު އިބްރާހިމް ހުޅުވައިދެއްވައިފިއެވެ.
ރައީސްގެ ދެކަނބަލުންނަށް ކަޅުތުއްކަލާ ކޮށިން މަރުހަބާ ދެންނެވީ، ޑިފެންސް މިނިސްޓަރު މޫސާ އަލީ ޖަލީލެވެ.
ސިފައިންގެ އާއިލީ ހަވީރަކީ ކޮންމެ އަހަރަކުވެސް ސިފައިންގެ އާއިލާތަކަށް އެކުގައި މަޖާ ހިތްފަސޭހަ ވަގުތު ކޮޅެއް ހޭދަކޮށްލުމުގެ މަޤުޞަދުގައި ކުރިއަށްގެންދާ ހަރަކާތެކެވެ.
މިއަހަރުގެ ހަވީރުގައި ވެސް ތަފާތު އެކި ކުޅިވަރުތަކާއެކު ސްޓޯލްތަށް ވަނީ ބެހެއްޓިފައެވެ. އަދި ލަޔަން ޑާންސް އާއި ބޮޑު މަސް ބޭނުން ފަދަ ކުޅިވަރުތަށް މި ހަވީރުގައި ކުރިއަށްދާނެއެވެ.
މިއަހަރަކީ ރާއްޖޭގެ މިނިވަންކަމަށް 50 އަހަރު ފުރޭ މުނާސަބާ ކަމުން، މިއަހަރުގެ ސްޓޯލްތަށް ޑިޒައިންކޮށްފައިވަނީ ވެސް، ދިވެހި ޘަގާފަތް ދައްކުވައިދޭ ގޮތަަށެވެ.