ރައީސް މިކަމާ ގުޅޭގޮތުން މަރުޙަބާ ވިދާޅުވީ މިއަދު ސޯޝަލް މީޑިއާ 'އެކްސް' ގައި ކުރެއްވި ޕޯސްޓެއްގައެވެ. ރައީސްގެ ޕޯސްޓުގައި ފާހަގަކުރައްވާފައިވާ ގޮތުގައި، މި ފަހަރުގެ ބުރުގައި ރާއްޖޭގެ 112 ރަށަކުން ޖުމްލަ 343 ދަރިވަރުން ވަނީ ދަސްވެނިވެފައެވެ. އޭގެ ތެރޭގައި 63 އަންހެން ކުދިންނާއި 280 ފިރިހެން ކުދިން ހިމެނެއެވެ. އަދި ދަސްވެނިވި ދަރިވަރުންގެ ތެރޭގައި 18 އަހަރުން ދަށުގެ 113 ކުދިން ހިމެނޭކަންވެސް ރައީސް ފާހަގަކުރެއްވިއެވެ.