މޯލްޑިވްސް ޒަކާތު ހައުސްއިން ކުރިއަށްގެންދިޔަ “ޒަކާތު ކުއިޒް 1447″ގެ ނަސީބުވެރި ފަރާތާ އިނާމު ހަވާލުކޮށްފިއެވެ.
މި ކުއިޒްގެ ނަސީބުވެރިޔަކަށް ހޮވިފައިވަނީ ފާތިމަތު މައާލް އަހްމަދުއެވެ.
މިއަދު ހެނދުނު އިސްލާމީ މަރުކަޒުގެ ހޯލުގައި މައާލަށް އިނާމު ހަވާލުކޮށްދެއްވީ މިނިސްޓަރ އޮފް ސްޓޭޓް ފޮރ އިސްލާމިކް އެފެއާޒް ޑރ. މުހައްމަދު ޝުޖާއު އަބްދުލްހަކީމެވެ. ޒަކާތު ކުއިޒްގެ މި އަހަރުގެ އެއްވަނަ އިނާމަކީ، ދެ މީހުންގެ އުމްރާ ދަތުރެކެވެ.
މި އަހަރުގެ ރަމަޟާން މަހުގެ ތެރޭގައި ކުރިއަށްގެންދިޔަ ޒަކާތު ކުއިޒަށް އާންމުންގެ ބޮޑު ތަރުހީބެއް ލިބިފައިވެއެވެ. އެގޮތުން 5،000އަށް ވުރެ ގިނަ މީހުން މި ކުއިޒުގައި ބައިވެރިވެ، އޭގެ ތެރެއިން 126 މީހަކު ވަނީ ހުރިހާ ސުވާލެއްގެ ޖަވާބު ރަނގަޅުކޮށްފައެވެ. އިނާމުގެ ހައްގުވެރި ފަރާތް ހޮވައިފައި ވަނީ، 8 އެޕްރީލު 2026ގައި، އެ 126 މީހުންގެ މެދުގައި ކުރިއަށްގެންދިޔަ ލައިވް ގުރުއަތުލުމެއްގެ ޒަރީއާއިންނެވެ.