ދިރާގުން ކުރިއަސް ގެންދިޔަ ވިން އަ ސްޕީޑް ބޯޓު ޕްރޮމޯޝަނުގެ ނަސީބުވެރި ފަރާތް މިރޭ ހޮވައިފިއެވެ. އެކަމަށް ހާއްސަކޮށްގެން ދިރާގުން މިރޭ ބޭއްވި ސްޓޭޖް ޝޯގައި ސްޕީޑް ބޯޓު ލިބޭ ނަސީބުވެރި ފަރާތަކަށް ހޮވިފައި ވަނީ ގއ. ވިލިގިއްޔަށް ނިސްބަތްވާ ހަސަން ފަޔާޒެވެ. ދިރާގުން ވަނީ ފަޔާޒަށް މަރުހަބާ ކިޔާފައެވެ. https://x.com/Dhiraagu/status/1885008750701908166 މި ރަސްމިއްޔާރުގައި ވާހަކަ ދައްކަވަމުން ދިރާގުގެ ސީސީއޯ އަލީ ނިޔާޒް ވަނީ މިފަދަ ޕްރޮމޯޝަން ތަކަށް ކަސްޓަމަރުންގެ ފަރާތުން ލިބެމުންދާ ތަރުޙީބު ފެނި ހައިރާންވާ ކަމަށް ވިދާޅުވެފައެވެ. އަދި ދިރާގުގެ ބައިވެރިންގެ ގޮތުގައި ތިބި ހުރިހާ ބޭފުޅުންނަށް ޝުކުރު އަދާކޮށް އޭނާ ވަނީ ޑިޖިޓަލް ޚިދުމަތްތައް ފޯރުކޮށްދިނުމުގެ ތެރެއިން ދިރާގުން ދިރިއުޅުމަށް ހެޔޮ ބަދަލުތައް ގެނެސްދޭނެ ކަމަށް ވިޅުވެފައެވެ. މި ޕްރޮމޯޝަންގެ ތެރެއިން އަލް ޝާލީ މެރިން މަޖެލަން 32 ބޯޓާއެކު 175 ހޯސްޕަވަރުގެ ދެ އައުޓްބޯޑް ޔަމަހާ އިންޖީނު ވެސް ލިބޭނެއެވެ. ދިރާގުން ވަނީ "ވިން އަ ޓެސްލާ"ގެ ނަމުގައި ވެސް ވަރަސް ކާމިޔަބު ޕްރޮމޯޝަނެއް ކުރިއަށް ގެންގޮސްފައެވެ.