މާލޭގައި ހިންގާ "މައި ޓެކް" ފިހާރަ ފަލާލައި ގިނަ އަދަދެއްގެ ފައިސާއާއި ތަކެތި ވަގަށް ނަގައިފި އެވެ.
ފުލުހުން ވަނީ މިފަދަ ހާދިސާއެއް ދިމާވެގެން އުޅޭ ކަން ކަށަވަރު ކޮށްދީފަ އެވެ. އެހެންނަމަވެސް އިތުރު ތަފްސީލެއް ފުލުހުން ހާމަކޮށްފަ އެއް ނުވެ އެވެ.
ފުލުހުން ގެންދަނީ މި މައްސަލަ މިހާރު ތަހްގީގު ކުރަމުން ކަމަށްވެސް ފުލުހުން ވަނީ ބުނެފަ އެވެ.
ވީނިއުސްއަށް މައުލޫމާތު ދެމުން ފިހާރައިގެ އިސްވެރިއަކު ބުނީ ރޭ ގާތްގަނޑަށް 3:30 ހާއިރު އެ ފިހާރައިގެ މައި ދެ ދޮރުގެ ތަޅު ހަލާކުކޮށްލައިގެން ބަޔަކު ވައްކަން ކޮށްފައިވާ ކަމަށެވެ. އަދި އެ ފިހާރައިގެ ބިއްލޫރި ގަނޑުވެސް ވަރަށް ބޮޑަށް ތަޅާލާފައިވާ ކަމަށްވެސް އޭނާ ބުންޏެވެ.