އަހުމަދު އަރުޝަދު
ދެ ގެއަކުން ވަގަށް ނަގާފައިވާކަމަށް ބެލެވޭ ތަކެތި  ހޯދާ ދެ މީހަކު ފުލުހުން ހައްޔަރުކޮށްފި އެވެ.
ގ. ދޮންފެހި ގެއިން ވަގަށް ނަގާފައިވާކަމަށް ބެލެވޭ ދެ ލެޕްޓޮޕަކާއި އައިފޯނު ފުލުހުން ހޯދާފައިވަނީ ގ.ހެޕީ ސައިޑްގެ އިންނެއެވެ. މި މައްސަލައާ ގުޅިގެން ގ.ހެޕީ ސައިޑް ހަސަން ޝައިހާންވަނީ ހައްޔަރުކޮށްފަ އެވެ.
މީގެ އިތުރުން ގ.އިންސިޔާ މަންޒިލް ގެއިން ވަގަށް ނަގާފައިވާ ކަމަށް ބެލެވޭ އައިޕޮޑަކާއި ފޯންތަކެއްގެ އިތުރުން ގިނަ އަދަދެއްގެ ފައިސާވެސް ފުލުހުންވަނީ ރޭ ހޯދާފައެވެ. މި ތަކެތި ފުލުހުން ހޯދިފައިވަނީ ރޭ ފަތިހު 5.17 ހާއިރު އޮލިމްޕަސް ކައިރިން ފުލުހުން ބަލާ ފާސްކުރި މީހެއްގެ އަތުންކަމަށް ފުލުހުން ބުނެއެވެ.