އީ ފީޑަރގެ ޑިސްޓްރިބިއުޝަން ފޮށީގެ މެއިން ބްރޭކަރަށް ދިމާވާ ޓެކްނިކަލް މައްސަލައެއް ހައްލު ކުރުމަށް މިއަދު ހަވީރު 4:30 އިން ފެށިގެން އެ ފީޑަރުގައި ހިމެނޭ ގޭތަކުން ކަރަންޓު ކަނޑާލުމަށް ހަމަޖެހިފައިވާކަމަށް ފެނަކައިން ބުނެފިއެވެ.
 
ފެނަކައިން ބުނީ، ކަރަންޓު ކަނޑާލަނީ އެ ފޮށީގެ މެއިން ބްރޭކަރަށް ދިމާވާ މައްސަލައަށް ދާއިމީ ހައްލެއް ގެނެއުމަށްކަމަށެވެ. މީދޫގެ ކަރަންޓުގެ ހާލަތު ގޯސްވެފައިވާއިރު މައްސަލަ ހައްލުކުރުމަށް ފެނަކަ މީދޫ ބުރާންޗުން އަންނަނީ މަސައްކަތްތަކެއް ކުރަމުންނެވެ.
 
ކަރަންޓުގެ ކަނޑާލާ ވަގުތުތަކުގައި ރައްޔިތުންނަށް ދިމާވެދާނެ ދަތިތަކަށްޓަކައި ފެނަކަ މީދޫ ބުރާންޗުން މަޢާފަށް އެދެއެވެ.