މިދިޔަ ހޯމަ ދުވަހުގެ ރޭ ތިނަދޫ އިންޖީނުގޭގައި ރޯވެ އަނދައި ހުލިވުމުގެ ސަބަބުން ކަރަންޓު ކެނޑިފައި އޮންނަތާ ހަތަރު ދުވަސް ފަހުން މިއަދު ހަވީރު ކަރަންޓު ދީފި އެވެ. ކަރަންޓު ދީފައި ވަނީ ވަގުތީ ގޮތުން ކަރަންޓު ދިނުމަށް ތިނަދޫ އަށް ގެންދިޔަ ދެ ޖަނަރޭޓަރު ބޭނުންކޮށްގެންނެވެ. އެ ދެ ޖަނަރޭޓަރު ބަހައްޓާފައި ވަނީ އަނދާފައިވާ އިންޖީނުގޭގެ ގޯތިތެރޭގަ އެވެ. އަލިފާނުގެ ހާދިސާގައި 1،000 ކިލޯވޮޓާއި 720 އަދި 600 ކިލޯވޮޓުގެ ތިން ޖަނެރޭޓަރު ވަނީ ބޭނުން ނުކުރެވޭ ވަރަށް އަނދައިފަ އިންޖީނުގޭގެ ފުރާޅުމަތީގައި ބަހައްޓާފައި ހުރި 172 ސޯލާ ޕެނަލްގެ ތެރެއިން ދެބައިކުޅަ އެއްބައި ވެސް އެނދިއަލިފާނުގެ ހާދިސާގައި 22 މިލިއަން ރުފިޔާގެ ގެއްލުން ވަނީ ލިބިފައިކުރީގެ ހާލަތަށް ގެންދަން ދެ މަސް ދުވަސް ހޭދަވާނެ ތިނަދު އަށް ގެންދިޔަ ދެ އިންޖީނަކީ ސްޓެލްކޯ އާއި އެމްޑަބްލިއުއެސްސީން ދިން އެއް މެގަވޮޓްގެ ދެ ޖަނަރޭޓަރެވެ. މީގެ ތެރެއިން އެއް ޖަނަރޭޓަރަކީ ޕެނަލް ބޯޑާއި ޓްރާންސްފޯމަރަކާ އެކު ކޮންޓެއިނަރެއްގައި ހުރި 27 ޓަނުގެ ޖަނަރޭޓަރު ސެޓެކެވެ. އަދި ކަރަންޓް ދިނުމަށް 1.4 މެގަވޮޓްގެ ތިން ވަނަ ޖަނަރޭޓަރެއް އެރަށަށް ގެންދިއުމުގެ މަސައްކަތް ވަނީ ފަށައިފަ އެވެ. ކަރަންޓު ނެތުމުން ތިނަދޫގައި ކެފޭއެއްގައި އުއްބައްތި ދިއްލާފައި.---ހަވީރު ފޮޓޯ: ނިޝާން އަލީ މިއަދު ހުރިހާ ތަނަކަށް ކަރަންޓު ދިނުމުގެ ކުރިން، ވަކި ޖަނަރޭޓަރުތައް ބޭނުންކޮށްގެން ކަރަންޓުގެ ހިދުމަތް މިހާރު ދެމުން ދިޔައީ ޑރ. އަބްދުއްސަމަދު މެމޯރިއަލް ހޮސްޕިޓަލާއި ކޯޓާއި، ބޭންކް އޮފް މޯލްޑިވްސް އާއި ފެން ޕްލާންޓު ފަދަ މުހިންމު ތަންތަނަށެވެ. ތިނަދޫ އަށް ކަރަންޓު ދޭ ފެނަކަ ކޯޕަރޭޝަނުން ބުނެފައި ވަނީ އެ ރަށުގެ ކަރަންޓުގެ މައްސަލަ އަށް ދާއިމީ ހައްލެއް ގެންނަން ދެ މަސް ދުވަސް ހޭދަވާނެ ކަމަށެވެ. ކަރަންޓު ކެނޑި، 10000ގެ އާބާދީއެއް އޮންނަ ތިނަދޫ ހާލުގައި ޖެހުމާ ގުޅިގެން އެކި ކުންފުނިތަކުންނާއި މުއައްސަސާތަކުން ދަނީ އެހީގެ އެކި ހަރަކާތްތައް ހިންގަމުންނެވެ.