އެ ޕޯސްޓަށް ވަރަށް ގިނަ ބަޔަކު ކޮމެންޓް ކޮށްފައިވެ އެވެ. ގިނަ މީހުން ދެކޭ ގޮތުގައި އެއީ ވަރަށް ރަނގަޅު ކަމެކެވެ. އެފަދަ އުސޫލެއް ހެދުން އަވަސް ކުރުމަށް ވެސް އެދިފައިވެ އެވެ.
ހައްޖުގެ އަޅުކަމަށް ފުރުސަތު ނުލިބޭ މީހުނަށް އިސްކަން ދިނުމާމެދު އާންމުންގެ ހިޔާލަށް އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު އެދިވަޑައިގެންފި އެވެ.
މިނިސްޓަރު މިއަދު ކުރެއްވި ޕޯސްޓެއް ގައި ވިދާޅުވީ ފަރުލު ހައްޖު އަދާކޮށްފައި ތިބޭ ފަރާތްތަކަށް ދެވަނަ ހައްޖެއް ކުރެވޭނީ ހައްޖުކުރާތާ ފަސް އަހަރު ފަހުން ކަމުގައި ބައެއް ގައުމުތަކުގައި އުސޫލުތައް ހަދާފައި ހުންނަ ކަމަށެވެ.މިއީ ފަރުލު -- ފުރަތަމަ ހައްޖުކުރަން އެދޭ ފަރާތްތަކަށް ފުރުސަތު ދިނުމުގެ ގޮތުން ކުރާކަމެއް ކަމަށް ވިދާޅުވި އެވެ. "މިފަދަ ކަމެއް ރާއްޖޭގައި ކުރުމާ މެދު ތިޔަބޭފުޅުންގެ [އާންމުންގެ] ހިޔާލުފުޅަކީ ކޮބައިތޯ،" އެކަމާމެދު އާންމުންގެ ހިޔާލަށް އެދިވަޑައިގެން މިނިސްޓަރު ކުރެއްވި ޕޯސްޓް ގައި ލިޔުއްވާފައިވެ އެވެ.އެ ޕޯސްޓަށް ވަރަށް ގިނަ ބަޔަކު ކޮމެންޓް ކޮށްފައިވެ އެވެ. ގިނަ މީހުން ދެކޭ ގޮތުގައި އެއީ ވަރަށް ރަނގަޅު ކަމެކެވެ. އެފަދަ އުސޫލެއް ހެދުން އަވަސް ކުރުމަށް ވެސް އެދިފައިވެ އެވެ.ސައުދީގައި އުސޫލު އޮންނަ ގޮތުން ހައްޖުގެ އަޅުކަން އަދާކުރުމަށް ފަހު ދެން ހައްޖުވުމުގެ ފުރުސަތު ލިބެނީ ފަސް އަހަރު ފަހުންނެވެ. މިސްރު ފަދަ ގައުމުތަކުގައި އެ ފުރުސަތު އޮންނަނީ އުމުރުން އެއް ފަހަރު އެވެ.ހައްޖުގެ ފަރުލަކީ ކުޅަދާނަކަން ލިބިގެންވާ މީހާ އުމުރުން އެއް ފަހަރު އަދާކުރަން އޮތް އަޅުކަމެކެވެ.
މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ