ހީނާ ވަލީދުގެ ކޮރަޕްޝަންގެ މައްސަލަ ރައީސް މުއިއްޒަށް “ނޭނގޭ” ކަމަށް ބުނުމުން، ނޫސްވެރިންގެ ފަރާތުން އެކަން މުއިއްޒަށް ހާމަ ކޮށްދިންތާ 2 ދުވަސް ވެއްޖެއެވެ. އަޅުގަނޑާއި ހަމައަށް އެފަދަ މައުލޫމާތެއް ލިބިއްޖިޔާ ކަމާއި ބެހޭ ފަރާތްތަކަށް އަންގާނެ ކަމަށްވެސް މުއިއްޒު އެ ވީޑިޔޯ އިންޓަވިއުގައި ބުނާ އަޑު ސާފުކޮށް އިވެއެވެ. ނަމަވެސް، މުއިއްޒުގެ ފަރާތުން މި މައްސަލާގައި އެއްވެސް ފިޔަވަޅެއް ނާޅާތާގައި ކަމާބެހޭ އެއްވެސް ފަރާތަކަށް އަންގާފައިވެސް ނުވެއެވެ.
ރައީސް މުއިއްޒަކީ އާންމުކޮށް، ހަމަ ފެންނަ ކޮންމެ ފަރާތެއްގެ އަރިހުގައިވެސް، ކަނޑައެޅިގެން ބޮޑެތި ދޮގު ހައްދަވާ މީހެއް ކަމާއި، އަދި ހީނާގެ ކޮރަޕްޝަންގެ މައްސަލާގައި އެއްވެސް ފިޔަވަޅެއް މުއިއްޒަށް ނޭޅިގެން އުޅެނީ އެކަމުގައި ސީދާ މުއިއްޒު ބައިވެރިވެ، އެންސްޕާގެ ފައިސާ އެގޮތަށް ބޭނުން ކުރުމަށް މުއިއްޒު އިރުޝާދު ދީފައިވާތީ ކަމަށް ގިނަފަރާތްތަކުން ދަނީ ބުނަމުންނެވެ.
ބޭސްފަރުވާއަށް ރައްޔިތުން ސަލާން ޖައްސަން ޖެހިފައި މިވަނީ ރައީސް މުއިއްޒު އާއި ހެދިއެވެ. ކުރިން ލިބެމުންދިޔަ އާސަންދައިގެ ބައެއް ޚިދުމަތްތައް ކަނޑާލައި، އެންސްޕާ ދޫކުރެވޭނީ ދެން ލޯނުގެ ގޮތުގައި ވަކި ބަޔަކަށް ކަމަށް ކަނޑައަޅުމަށްފަހު، ރައްޔިތުންނަށް ހާމަވެގެން ދިޔައީ، މުއިއްޒުގެ ޓީވީ ހިންގުމަށް ކުށްޔަށް ހިފާފައިވާ ތަނަށް ބޭނުންވާ ކުލީގެ ފައިސާ ދައްކަމުން ދަނީ އާސަންދައިގެ ނަމުގައި ދެގުނަ ބޮޑުކޮށް ހިފާފައިވާ ތަނަކުން ކަމެވެ. އަދި އެތަން ޑިޒައިންކޮށް، ފަރުނީޗަރު ލާފައިވަނީވެސް ނިކަމެތި ރައްޔިތުންގެ ބޭސްފަރުވާއަށް ބޭނުންވާ ފައިސާއިން ކަމެވެ.
ރައީސް މުއިއްޒުގެ ސަބަބުން ދިވެހިންނަށް ވަނީ އިންތިހާއަށް ދައްޗާއި ނިކަމެތިކަން ކުރިމަތިވެ، މުޅި ޤައުމު ހާލުގައި ޖެހިފައެވެ.
ހީނާގެ އިސްތިއުފާއަށް މުޅި ރާއްޖެ ދަނީ ގޮވާލަމުންނެވެ. ނަމަވެސް، ހީނާގެ ކޮރަޕްޝަން ފޮރުވުމުގައި ހުންނެވީ ސީދާ މުއިއްޒެވެ.