މިއީ ރާއްޖޭގައި ބާއްވާ އެންމެ ބޮޑު ސްޕޯޓްސް ފިޝިން ޓޯނަމެންޓް ކަމަށްވާ "ބުރުނު ބޮމަ" ސަރަހައްދީ ފެންވަރުގައި ފުޅާކުރުމުގެ ގޮތުން ބާއްވާ ފުރަތަމަ މުބާރާތެވެ. މި މުބާރާތް ބޭއްވުމަށް ތާވަލުކޮށްފައިވަނީ މި މަހުގެ 28 ވަނަ ދުވަހު، އައްޑޫ ސިޓީ މަރަދޫގައެވެ.
މި މުބާރާތަކީ ޖޫން މަހުގެ 13 އިން 15 އަށް ބޭއްވުމަށް ހަމަޖެހިފައިވާ ދެވަނަ "ބުރުނު ބޮމަ" ބައިނަލްއަގުވާމީ މުބާރާތުގެ ކުރިން ބޭއްވޭ ތައްޔާރީ ހަރަކާތެކެވެ. ބުރުނު ބޮމަ މުބާރާތުގައި ބައިވެރިވުމުގެ ފުރުސަތު މެއި 31 ގެ ނިޔަލަށް ހުޅުވާލާފައިވާއިރު، ވީހާވެސް ގިނަ ބަޔަކު މި މުބާރާތުގައި ބައިވެރިވުމަށް ވިޒިޓް މޯލްޑިވްސް ކޯޕަރޭޝަނުން ދައުވަތުދެއެވެ.