ދިވެހި އަސްކަރިއްޔާގެ ޚިދުމަތުގައި ގިނަ ދުވަސްތަކެއް ހޭދަކުރެއްވި ސްޓާފް ސާޖަންޓް އަލީ ނަޝީދު ކެންސަރު ބަލީގައި ނިޔާވެއްޖެ އެވެ.
ނަޝީދު ނިޔާވީ މިރޭ އިރާކޮޅު އައިޖީއެމްއެޗްގަ އެވެ. މީގެ ތިން އަހަރެއްހާ ދުވަސް ކުރީން ފެށިގެން އޭނާ ގެންދިޔައީ ކެންސަރަށް ފަރުވާ ހޯދަމުންނެވެ.
އެމްއެންޑީއެފްގެ ކޯސްޓްގާޑުން ވަނީ ނަޝީދު ނިޔާވުމާއި ގުޅިގެން އެކަން ހާމަކޮށް ހިތާމަފާޅުކޮށް އާއިލާއަށް ތައުޒިޔާ ކިޔާފަ އެވެ. ސިފައިންގެ ޚިދުމަތުގައި އޭނާ ވަނީ 30 އަހަރަށް ވުރެ ދިގު މުއްދަތެއް ހޭދަ ކޮށްފަ އެވެ.
Advertisement
ނ. މަނަދޫ، ރެޑިއަމްގެ އުމުރުން 48 އަހަރުގެ އަލީ ނަޝީދުގެ ޖަނާޒާ އޮތީ މާދަމާ މެންދުރު ނަމާދަށް ފަހު އެވެ. ކަށު ނަމާދު ކުރުން އޮތީ އިސްލާމީ މަރުކަޒުގަ އެވެ.