ގައުމަށް ދެމެހެއްޓެނިވި ތަރައްގީ ގެނެވޭނީ މައި ސަރުކާރުން ކައުންސިލްތަކަށް އިހުތިރާމު ކޮށްގެން ކަމަށާއި ވަކިވަކިވުމާއި ބާކީ ކުރުމަކީ ލާމަރުކަޒީ ނިޒާމު ދަންނަ ކަންކަމެއް ނޫން ކަމަށް މާލެ ސިޓީގެ މޭޔަރު، އާދަމް އާޒިމް ވިދާޅުވެއްޖެ އެވެ.
މިއަދު ފެށި ކައުންސިލްތަކުގެ އަހަރީ އާންމު ކޮންފަރެންސްގައި ވާހަކަ ދައްކަވަމުން އާޒިމް ވިދާޅުވީ ރައްޔިތުންގެ ހުންނަ ކަންބޮޑުވުންތަކާއި އޭގެ ހައްލު އެންމެ ފުރިހަމަ ގޮތުގައި ހޯދޭ ނިޒާމަކީ ލާމަރުކަޒީ ނިޒާމު ކަމަށެވެ. ވަކިވަކިވުމާއި ބާކީ ކުރުން އެއީ އެ ނިޒާމު ދަންނަ ކަންކަމެއް ނޫން ކަމަށް އޭނާ ވިދާޅުވި އެވެ.
"ގައުމީ ތަރައްގީގައި އިސްކަންދޭ ތަރުތީބުގެ ތެރެއިން ރަށްފުށުގެ ތަރައްގީ ވައްދައިގެން ނޫނީ ދެމެހެއްޓެނިވި ތަރައްގީ ނުހޯދޭނެ، މިކަން ހާސިލު ކުރެވޭނީ މައި ސަރުކާރާއި ރަށްފުށުގެ ކައުންސިލްތަކާއި އިހުތިރާމު ލިބިގެންވާ އީޖާބީ ގުޅުމެއް ގާއިމުވެފައި އޮވެގެން،" އާޒިމް ވިދާޅުވި އެވެ.
އާޒިމް ވިދާޅުވީ ގައުމުގައި ކަނޑައެޅިފައި ހުންނަ ތަރައްގީގެ ލަނޑުދަނޑިތައް ހާސިލު ކުރެވޭނީ އެފަދަ ވެށްޓެއް ގާއިމު ކުރެވިފައި އޮވެގެން ކަމަށެވެ. އަދި ލާމަރުކަޒީ ނިޒާމު ހަރުދަނާކޮށް ފުރިހަމައަށް ހިންގައިގެން ދިވެހިރައްޔިތުންނަށް ބާއްޖަވެރި އުފާވެރި މުސްތަގުބަލެއް ފެންނާން އެބަ އޮތް ކަމަށް ވެސް އޭނާ ވިދާޅުވި އެވެ.
މިއަދު ފެށި ކައުންސިލްތަކުގެ އަހަރީ އާންމު ކޮންފަރެންސްއަކީ ރާއްޖޭގެ ހުރިހާ ކައުންސިލްތަކަކާއި ސަރުކާރުގެ ކަމާ ގުޅުންހުރި އިދާރާތަކާއި ބޭރުގެ ބައެއް ޖަމިއްޔާ ޖަމާއަތްތަކުން ބައިވެރިވާ ކޮންފަރެންސްއެކެވެ. އެ ކޮންފަރެންސްގައި ލާމަރުކަޒީ ނިޒާމު އިތުރަށް ހަރުދަނާކޮށް ކުރިއެރުވޭނެ ގޮތްތަކާ ބެހޭ ގޮތުން މަޝްވަރާ ކުރާނެ އެވެ.
ދެމެހެއްޓެނިވި ތަރައްގީ ގެނެވޭނީ މައި ސަރުކާރުން ކައުންސިލްތަކަށް އިހުތިރާމު ކޮށްގެން: އާޒިމް ދެމެހެއްޓެނިވި ތަރައްގީ ގެނެވޭނީ މައި ސަރުކާރުން ކައުންސިލްތަކަށް އިހުތިރާމު ކޮށްގެން: އާޒިމް
އަރުޝީފަށް ނެގީ
އެންމެފަހުން އަޕްޑޭޓްކުރީ
އެންމެފަހުން އަޕްޑޭޓްކުރީ