ޙަލްބުގައި ތިބި ހަނގުރާމަވެރިންނަށް އެންމެ ފަހުގެ ހަމަލާތައް ދިނުމަށްޓަކައި ހަލްތުގެ އުތުރުސަރަހައްދުގައި ތިބި ރައްޔިތުން ސަރަހައްދުން ބޭރުކުރުމަށްޓަކައި ރަސިއާ އިން ދެމުން ގެންދާ ހަމަލާތައް މެދުކަނޑާލައިފިއެވެ.
ރަސިއާ އިން ބުރާސްފަތި ދުވަހު ބުނީ ހަނގުރާމަވެރިން މިހާރު ވަނީ ވަށާލެވިފައި ކަމަށެވެ. އެހެންކަމުން ކުރިއަށް އޮތީ ވަރުގަދަ ހަމަލާތަކެއް ދިނުން ކަމަށެވެ. "އެހެންވެ މިދިނީ ފުރުސަތެއް ރައްޔިތުން އެ ސަރަހައްދުން ބޭރުވާން. 8000 ވަރަކަށް ރައްޔިތުން ސަރަހައްދުން ބޭރުކުރަންޖެހޭ."
ސީރިޔާގެ ހާލަތު މޮނިޓަރކުރަމުން ގެންދާ ގްރޫޕުން ވަނީ އެ ސަރަހައްދުގައި ހަމަލާ ބަދަލުކުރުން މަޑުޖައްސާލައިފިކަން ކަށަވަރުކޮށްދީފައެވެ. އެ ގްރޫޕުން ބުނީ ހަނގުރާމަ ކުރިއަށް ގެންދާތަން މިހާރު ނުފެންނަ ކަމަށެވެ. ބޮޑުބަޑިއާއި ރޮކެޓް ހަމަލާތަކުގެ އަޑު މިހާރު ނުއިވޭ ކަމަށެވެ.
ބަޝާރުގެ ސިފައިންގެ ބާރުގެދަށަށް ހަލްބު ގެނައުމަށްޓަކައި މީގެ 26 ވަރަކަށް ދުވަސް ކުރިން ދޭން ފެށި ވަރުގަދަ ހަމަލާތަކުގައި ގިނަ އަދަދެއްގެ ޢާންމު ރައްޔިތުން މިހާރުވެސް މަރުވެފައިވާއިރު 3،000- 3،500 ވަރަކަށް މީހުންނަށް ވަނީ ބޮޑެތި އަނިޔާތައް ލިބިފައެވެ.