ރައްޔިތުންގެ މަޖިލީހުގައި ގަލޮޅު ދެކުނު ދާއިރާ ތަމްސީލް ކުރައްވާ މެމްބަރު އަހުމަދު މަހުލޫފްއަކީ ރައްޔިތުންގެ މެމްބަރެއް ކަމަށް ގުޅިފައިވާ ޕާޓިތަކުގެ ރިޔާސީ ކެންޑިޑޭޓް އިބްރާހިމް މުހައްމަދު ސޯލިހު (އިބޫ) ވިދާޅުވެއްޖެއެވެ.
އިބޫ މިހެން ވިދާޅުވީ ގުޅިފައިވާ ޕާޓީތަކުން ހެދި ގަލޮޅު ދެކުނު ޖަގަހަ "ގަލުއޮޅި" ޖަގަހަ ހުޅުވުމަށް ހޮނިހިރު ދުވަހުގެރޭ ބެއްވި ރަސްމިއްޔާތުގައި ވާހަކަފުޅު ދައްކަވަމުންނެވެ.
އިބޫ ވިދާޅުވީ ގަލޮޅު ދެކުނުގައި ގުޅިފައިވާ ސިޔާސީ ޕާޓީތަކުގެ ޖަގަހައެއް ހުޅުވާއިރު އެންމެ ހިތްޕުޅުހަމަޖެހިވަދައިގަންނަވާ އެއްކަމަކީ ރައްޔިތުންގެ މަޖިލީހުގެ ގަލޮޅު ދެކުނު ދާއިރާގެ މެމްބަރު އަހުމަދު މަހުލޫފާއެކު މަސައްކަތް ކުރެއްވުމުގެ ފުރުސަތު ލިބިފައިވުން ކަމަށާއި، މަހުލޫފްއަކީ ތެދުވެރި އިހުލާސްތެރި އަދި ގައުމުދެކެ ލޯބިވާ ބޭފުޅެއް ކަމަށެވެ.