މިއަދަކީ މިހާރު އަމަލުކުރަމުން އަންނަ ފެހި ގާނޫނުއަސާސީ އަށް އަމަލުކުރަން ފެށިތާ 14 ވަނަ އަހަރު ކަމަށާއި އެހެންވެ މިއަދަކީ ތާރީހީ ގޮތުން ރާއްޖެ އަށް ވަރަށް ހާއްސަ ދުވަހެއް ކަމަށް ކުރީގެ ރައީސް މައުމޫން އަބްދުލް ގައްޔޫމް ވިދާޅުވެއްޖެ އެވެ.
ރާއްޖޭގައި 30 އަހަރު ވެރިކަން ކުރެއްވި މައުމޫން ވިދާޅުވީ މިހާރު އަމަލުކުރަމުން އަންނަ ގާނޫނުސާސީ އަކީ ޑިމޮކްރަސީ އާއި އިންސާނީ ހައްގުތަކުގެ ދާއިރާ އިން ވެސް މުޅި ދުނިޔެ ބަލައިގެންފައިވާ އެއްޗެއް ކަމަށެވެ.
"މިއަދަކީ އެއަށް އަމަލުކުރަން ފެށިތާ ސާދަ ވަނަ އަހަރު." މައުމޫން ވިދާޅުވި އެވެ.
Our current Constitution, based on globally recognized principles of democracy and human rights, was proclaimed 14 years ago today. What a historic occasion! Much remains to be done to ensure that all its benefits are enjoyed by our people.
— Maumoon Abdul Gayoom (@maumoonagayoom) August 7, 2022
އެމްއާރްއެމްގެ ލީޑަރު ވިދާޅުވީ ފެހި ގާނޫނުއަސާސީ ރައްޔިތުންނަށް އެތައް ހައްގެއް ލިބިފައި ދީފައިވީ ނަމަވެސް އޭގެ ފުރިހަމަ ފޮނިމީރުކަން ހޯދައި ދިނުމަށްޓަކައި އަދިވެސް ގިނަ ކަންތައްތަކެއް ކުރަން ޖެހޭ ކަމަށެވެ.
ރާއްޖޭގައި ކުރިން އަމަލުކުރަމުން އައި ނޫ ގާނޫނުއަސާސީ މައުމޫންގެ ވެރިކަމުގައި އިސްލާހުކޮށް، ފެހި ގާނޫނުއަސާސީ އަށް އަމަލުކުރަން ފެށީ އޮގަސްޓް 7، 2008 ގަ އެވެ. މިހާރުގެ ގާނޫނުއަސާސީ ރައްޔިތުންގެ ހާއްސަ މަޖިލީހުން ފާސްކުރީ ޖޫން 26، 2008 ގަ އެވެ.