ރައީސުލްޖުމްހޫރިއްޔާގެ އޮފީހުން މަޢުލޫމާތު ދެއްވާ ގޮތުގައި، މި މަހުގެ ހައެއް ވާ ހޯމަ ދުވަހު ރައީސުލްޖުމްހޫރިއްޔާގެ ދެކަނބަލުން ކުރައްވާ މި ދަތުރުފުޅަކީ ސަޢޫދީޢަރަބިއްޔާގެ ސަރުކާރުގެ ޚާއްޞަ މެހުމާންދާރީގެ ދަށުން ކުރައްވާ ދަތުރުފުޅެކެވެ. މި ދަތުރުފުޅުގެ ހުރިހާ ޚަރަދެއްވެސް ހަމަޖައްސަވައިދެއްވަނީ ސަޢޫދީ ސަރުކާރުންނެވެ.
ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒުގެ މި ދަތުރުފުޅަކީ، ރާއްޖެއާއި ސަޢޫދީޢަރަބިއްޔާއާ ދެމެދު އޮންނަ ގާތް ގުޅުމުގެ ރަމްޒެކެވެ. މީގެ ކުރިންވެސް ސަޢޫދީ ސަރުކާރުން އަންނަނީ ރާއްޖޭގެ ދީނީ އަދި އިޖުތިމާޢީ ކަންކަމުގައި ބޮޑެތި އެހީތެރިކަން ފޯރުކޮށްދެމުންނެވެ.