ކަނޑުމަގުން ރާއްޖެއަށް މަސްތުވާތަކެތި އެތެރެކުރި ދެ މީހަކު މިދިޔަ ބުރާސްފަތި ދުވަހު ހައްޔަރުކޮށްފި އެވެ.
ވީ ކިހިނެއް؟ - ފުލުހުން މިއަދު ބުނީ މި ދެ މީހުން ހައްޔަރުކުރީ ރާއްޖެއަށް މަސްތުވާތަކެތި އެތެރެކޮށް، ބޭނުންކޮށް، ގެންގުޅެ އަދި އެ ތަކެތި ވިއްކައި ވިޔަފާރިކުރާކަމުގެ ތުހުމަތުގައި ކަމަށެވެ.
ތަފްސީލް - މި މައްސަލާގައި ހައްޔަރުކޮށްފައި ވަނީ:
އިސްމާއިލް އަބާން އަބްދުﷲ، 25، މއ. ތަރިޖެހިއާގެ
އަހުމަދު ދާން ފަރުހޫދު، 19، ރަތްމާގެ/ސ. މަރަދޫ
މި ދެ މީހުން ހައްޔަރުކުރީ ކަސްޓަމްސް އާއި ފުލުހުންގެ ޑްރަގް އެންފޯސްމަންޓް ގުޅިގެން ހިންގި އޮޕަރޭޝަނެއްގައި ކަމަށް ފުލުހުން ބުންޏެވެ. އެގޮތުން:
މި ދެ މީހުން ހައްޔަރުކޮށް ބަލައި ފާސްކުރިއިރު 6 ކިލޯއަށް ވުރެ ގިނަ މަސްތުވާތަކެތި ފެނިފައިވޭ
ދެ މީހުންގެ ބަންދާމެދު ގޮތެއް ނިންމުމަށް ކޯޓަށް ހާޒިރު ކުރުމުން ފަސް ދުވަހަށް ބަންދުކުރުމަށް ވަނީ އަމުރު ކޮށްފައި
ފުލުހުން ބުނީ މައްސަލަ ތަހުގީގު ކުރަމުން އަންނަ ކަމަށެވެ.