ކިތަންމެ ތަޖުރިބާހުރި ބައަކު ކިތަންމެ ފުރިހަމައަށް ޚިދުމަތްދޭން މަސައްކަތް ކުރިނަމަވެސް ޞިއްޙީ ދާއިރާއަކީ އަބަދުވެސް ފާޑުކިޔުންތައް ކުރިމަތިވާނެ ދާއިރާއެއް ކަމަށް އޭޑީކޭ ހޮސްޕިޓަލްގެ މެނޭޖިންގ ޑިރެކްޓަރ އަހްމަދު އައްފާލް ވިދާޅުވިއެވެ.
އޭޑީކޭ ހޮސްޕިޓަލްގެ "އެމްޕްލޯއީ އޮފް ދަ އިޔަރ 2014" އެވޯޑް ދިނުމަށް ހުކުރު ދުވަހުގެ ރޭ ހޮޓެލް ޖެންގައި ބޭއްވި ރަސްމިއްޔާތުގައި ވާހަކަފުޅު ދައްކަވަމުން އަފްޢާލް ވިދާޅުވީ އެންމެ މުވައްޒިފެއްގެ ސަބަބުން މުޅި މުއައްސަސާގެ އަގު ވެއްޓިގެން ހިނގައިދާނެ ކަމަށެވެ. އަދި ހަމަ އެންމެ މުވައްޒިފެއްގެ ސަބަބުން މުޅި މުއައްސަސާގެ އަގު އަރައި، އަގު ުއުފުލިގެންވެސް ހިނގައިދާނެ ކަމަށެވެ.
އަފްޢާލް ވިދާޅުވީ މިކަމުން އަންގައިދެނީ ތަން ކުރިއެރުވުމަށްޓަކައި ހުރިހައި މުވައްޒިފުންވެސް މަސައްކަތް ކުރަންޖެހޭނީ ގުޅިގެން އެއް ޓީމެއްގެ ގޮތުގައިކަން ކަމަށެވެ.
ީރަން ވަނައެއް ހާޞިލުކުރެވުމުން ކުރިއަށް އޮތްތަނުގައި އެހެން މުވައްޒިފުންނަށް ނަމޫނާއަކަށްވެ އިތުރު ފުރިހަމަކަމާއިއެކު މަސައްކަތްކޮށްދިނުމަށް އަފްޢާލް ވަނީ އެދިވަޑައިގެންފައެވެ.
އޭޑީކޭ ހޮސްޕިޓަލުން ދޭ ޚިދުމަތުގެ ފެންވަރަށް ބަލާއިރު އެ ހޮސްޕިޓަލް ފާހަގަކުރެވެނީ ކުރު މުއްދަތެއްގައި ސަރަހައްދީ ފެންވަރުގެ ބޮޑެތި ކާމިޔާބީތައް ހާޞިލުކޮށްފައިވާ ހޮސްޕިޓަލެއްގެ ގޮތުގައެވެ. އެހޮސްޕިޓަލުން ބުނެފައިވަނީ އަލަށް އިމާރާތްކުރާ 10 ބުރީގެ އިމާރާތް ނިމުމުން އެހޮސްޕިޓަލައް ވަރަށް ބޮޑެތި އިތުރު ކުރިއެރުންތަކެއް ލިބޭނެ ކަމަށެވެ.