"ހަވީރު" ނޫހުން ދާދި ފަހުން ތައާރަފުކުރި ކޫޕަން ޕޭޖަކީ ވިޔަފާރި އިސްތިހާރު ކުރަން ރަނުގެ ފުރުސަތެކެވެ. އަދި މިއާ އެކު މިއީ މުދާ ގަންނަ ފަރާތްތަކަށް ވެސް ލިބޭ ރަނގަޅު ފުރުސަތެވެ. އެންމެ ބޮޑު ފައިދާއަކީ މި ޕޭޖުގައި ހިމެނޭ ކޫޕަނެއް ގެންދިއުމުން ލިބޭ ބޮޑު ޑިސްކައުންޓެވެ. މި ޕޭޖުގައި ތަފާތު ހިދުމަތްތަކާއި އުފެއްދުންތައް އިސްތިހާރުކުރެ އެވެ. އޭގެ ތެރޭގައި އަގު ބޮޑެތި އައިނާއި ޓީވީ އަދި ޕްރިންޓަރުގެ އިތުރުން ރަގްސް ފަދަ ބާވަތްތަކާއި ފޮޓޯ ސްޓޫޑިއޯއެއްގެ ޑިސްކައުންޓް ވެސް ހިމެނެ އެވެ. ހަވީރުގެ މާކެޓިން ޑިޕާޓްމަންޓްގެ އޮފިޝަލަކު ވިދާޅުވީ ކޫޕަން ޕޭޖްގެ ނަމުގައި ކޮންމެ ދުވަހަކު ކުލަކޮށް ނޫހުގައި ޝާއިއުކުރާ ސޮފުހާގައި ރާއްޖޭގެ މަޝްހޫރު ވިޔަފާރި ކުންފުނިތަކުން ހާއްސަ ޑިސްކައުންޓް ދޭ ކޫޕަންތަކެއް ހިމަނާފައިވާނެ ކަމަށެވެ. "މި ޕޭޖްގައިވާ ކޫޕަން ހިފައިގެން ދިއުމުން އެ ތަނަކުން ކުރާ ވިޔަފާރިއަކުން ޑިސްކައުންޓް ލިބޭނެ. އެ ގޮތުން މަޝްހޫރު ފިހާރަތަކާއި ފޮޓޯ ނަގާ ސްޓޫޑިއޯ އާއި ރެސްޓޯރަންޓް ނުވަތަ ކެފޭތަކުން ވެސް ޑިސްކައުންޓް ލިބޭނެ،" އޭނާ ވިދާޅުވި އެވެ. އޮފިޝަލް ވިދާޅުވީ ކޫޕަން ޕޭޖްގައި އިސްތިހާރުކުރާ ފަރާތްތަކުން 5-20 ޕަސެންޓާ ދެމެދުގެ އަދަދަކަށް ޑިސްކައުންޓް ދޭ ގޮތަށް ހަމަޖެހިފައިވާ ކަމަށެވެ. މި ޕޭޖުގައި ހިމެނޭ ސޭޗީޒް ސްޓޫޑިއޯ އަށް ދިއުމުން އެ ސްޓޫޑިއޯ އިން ނަގައިދޭ ވެޑިން ޕެކޭޖުތަކުން 10 ޕަސެންޓު ޑިސްކައުންޓް ލިބެ އެވެ. އަދި މީގެ އިތުރުން ސީ ީހައުސްގެ ކޫޕަން ކޮޅު ހިފައިގެން އެ ރެސްޓޯރެންޓަށް ދިއުމުން ކޮންމެ ޕިއްޒާއަކުން 15 ޕަސެންޓުގެ ޑިސްކައުންޓެއް ދެ އެވެ. އަދި އަވިއައިނާއި ކޮންޓެކްޓް ލެންސުގެ މަޝްހޫރު ބްރޭންޑްތައް ވިއްކާ ވިޝަން އޮޕްޓިކަލްސްގެ ކޫޕަންކޮޅު ގެންދިއުމުން އެ ފިހާރައިން ވިއްކާ އަވި އައިނާއި ކޮންޓެކްޓް ލެންސްތަކުން 10 ޕަސެންޓުގެ ޑިސްކައުންޓެއް ދެ އެވެ. މީގެ އިތުރުން މި ޕެކޭޖުގައި ހިމެނޭ ޑާޓާ ވިޝަން އިން ވިއްކާ 17،300ރ. ގެ އެލްޖީ ޕްލަސްމާ 50 އިންޗީގެ އެޗްޑީ ޓީވީތަކުން 20 ޕަސެންޓުގެ ޑިސްކައުންޓެއް ލިބެ އެވެ. އަދި އެތަނުން 19،800ރ. އަށް ވިއްކާ ހާއްސަ ސްޕީކަރަކުން 20 ޕަސެންޓުގެ ޑިސްކައުންޓް ދެ އެވެ. މި ޕޭޖުގައި ހުރި އެހެނިހެން ބާވްތަކުގެ ތެރޭގައި ހާއްސަ ޕްރިންޓަރެއް ވެސް ހިމެނެ އެވެ. ކޮޕިއާ ޕްލަސް އިން ވިއްކާ ބްރަދާ މަލްޓި ފަންގްޝަން 6،521.74ރ. ގެ ޕްރިންޓަރަކުން 20 ޕަސެންޓުގެ ޑިސްކައުންޓެއް ދެ އެވެ. މީގެ އިތުރުން މެޓާއި ރަގްގެ ގިނަ ކުލަތަކެއް ވިއްކާ ސްޕެކްޓްރާއިން 250ރ. އަށް ވިއްކާ ރީތި ރަގްތަކުން 20 ޕަސެންޓް ލިބޭއިރު 750ރ. އަށް ވިއްކާ ނަލަ ވޯލް ޕޭޕާތަކުން ވެސް 20 ޕަސެންޓުގެ ޑިސްކައުންޓެއް ދެ އެވެ. އަދި ވެލިގާ ހާޑްވެއާ އިން ވިއްކާ ޑައިމަންޑް ބްރޭންޑުގެ ފަންކާތަކުން 15 ޕަސެންޓުގެ ޑިސްކައުންޓެއް ލިބެ އެވެ. "ހަވީރު"ގެ މާކެޓިން އޮފިޝަލް ވިދާޅުވީ ކޫޕަން ޕޭޖްގެ ބޭނުމަކީ ވިޔަފާރި ކުރާ މީހުންނާއި ވިޔަފާރިތަކަށް އިތުރު ފުރުސަތުތަކެއް ހުޅުވާލަދިނުން ކަމަށެވެ. "ކޫޕަނެއް ކަނޑާލައިގެން ވިޔަފާރިކުރަންވީ. އެއީ މިހާރު ދުނިޔޭގެ އެހެން ތަންތަނުގައި ވެސް އޮންނަ ފުރުސަތެއް. ޑިސްކައުންޓް ހޯދުމަކީ ޖީބަށް ވެސް ލުއިވާ ކަމެއް. އެ ފުރުސަތު މިހާރު މިއޮތީ ލިބިފައި،" އޮފިޝަލް ވިދާޅުވި އެވެ.