މާލެ އުތުރު ފަރާތުގައި އޮންނަ ބަނދަރުން ހިދުމަތް ހޯދުމަށްޓަކައި އުޅަނދުފަހަރު ރަޖިސްޓްރީކުރަން އެމްޕީއެލްއިން ހުޅުވާލައިފި އެވެ.
ވީ ކިހިނެއް؟ - އެމްޕީއެލް ސަރަހައްދުން ފެށިގެން މަސްމާރުކޭޓު ކުރިމަތީގައިވާ ލޯކަލް މާރުކޭޓުގެ ހުރަސްތޮއްޓާ ހަމައަށް އޮންނަ ބަނދަރު ޓްރާންސްޕޯޓް މިނިސްޓްރީން 4 ޖޫން 2025 ގައި އެމްޕީއެލްއާ ވަނީ ހަވާލުކޮށްފަ އެވެ.
ތަފްސީލް - އެމްޕީއެލްއިން މިއަދު ނެރުނު ނޫސްބަޔާނެއްގައި ބުނީ އެ ބަނދަރު ހިންގައި ބަލަހައްޓާނީ އެ ކުންފުނީގެ ނޯތު ހާބަރުގެ ދަށުން ކަމަށެވެ. އެއާ އެކު:
1 އޮގަސްޓުން ފެށިގެން އެ ބަނދަރުން ހިދުމަތް ދޭނީ ނޯތު ހާބަރުގައި ރަޖިސްޓްރީ ކޮށްފައިވާ އުޅަނދުފަހަރަށް އެކަނި
ރަޖިސްޓްރީ ނުކުރާ އުޅަނދުތައް ރަޖިސްޓްރީ ކުރުމުގެ ފުރުސަތު މިހާރު ވަނީ ހުޅުވާލާފައި
1 ސެޕްޓެމްބަރުން ފެސިގެން ހިދުމަތް ދޭނީ މާލޭ ނޯތު ހާބަރު ހިންގުމުގެ އުސޫލުގެ ދަށުން
އެ ބަދަލާ ގުޅޭ މައުލޫމާތު މާލޭ ނޯތު ހާބަރުގެ އޮޕަރޭޝަންސް ނަންބަރު 3006545 އަށް ގުޅުމުން ލިބޭނެ އެވެ.