ރައްޔިޔުންގެ މަޖިލީހުގެ ވިލިނގިލީ ދާއިރާގެ މެމްބަރު ސަޢުދު ހުސެއިން "ކުދިކުދި ކޮށްލާނެ"ކަމުގެ އިންޒާރު ސަރުކާރުގެ ކޯޑިނޭޓަރަކު ދީފިއެވެ.
ސަޢުދަށް އިންޒާރު ދެއްވި ބޭފުޅަކީ ޔޫތު މިނިސްޓްރީގެ ކޯޑިނޭޓަރެއް ކަމަށްވާ އިބްރާހިމް ރަޝީދެވެ. އޭނާ މިއިންޒާރު ދެއްވީ ސައުދުގެ ވެސް ރަށް ކަމަށްވާ ގއ. ވިލިނގިލީގައި ހުކުރު ދުވަހުގެރޭ ބޭއްވި ޕީޕީއެމްގެ ޖަލްސާއެއްގައި ވާހަކަ ދައްކަވަމުން، ޕީޕީއެމާއި ސަރުކާރުގެ އިސްވެރިންގެ ކުރިފުޅުމަތީގައެވެ.
އިބްރާހިމް ރަޝީދު މި އިންޒާރު ދެއްވީ ރައީސް ޔާމީނާއި ވާދަކޮށް ބަލިކުރައްވާނެ ކަމަށް ސަޢުދު ވިދާޅުވެފައި ވާތީ، އެކަމަށް ރައްދު ދެއްވަމުންނެވެ. އޭނާ ވިދާޅުވީ ސަޢުދު ނުސީދާ ގޮތަކަށް ބައްލަވާ ލެއްވިޔަސް ކުދިކުދިކޮށްލާނެ ކަމަށެވެ. 
މިއިންޒާރު އިބްރާހިމް ރަޝީދު ދެއްވީ ހުވަދޫ ބަހުރުވައިންނެވެ. އިތުރަށް ވާހަކަ ދައްކަވަމުން އޭނާ ވިދާޅުވީ ސަޢުދު އުޅުއްވަނީ ސައިޒު އޮޅިވަޑައިގެން ކަމަށާއި، އެރަށުގައި ސަޢުދަށް ތާޢީދު ނެތް ކަމަށެވެ. 
ރައްޔިތުންގެ މަޖިލީހުގެ މެމްބަރަކަށް ސަރުކާރުގެ ވެރިންގެ ކުރިފުޅުމަތީގައި މިފަދަ އިންޒާރެއް، ސަރުކާރުގެ ކޯޑިނޭޓަރަކު ދެއްވުމާ ގުޅިގެން ގިނަބައެއްގެ ފާދުކިޔުންތައް ވަނީ އަމާޒުވެފައެވެ. ސޯޝަލް މީޑިއާގައި ވެސް މިމައްސަލަ ތަހުޤީޤުކުރުމަށް ގިނަ ބަޔަކު ދަނީ ގޮވާލަމުންނެވެ.
MP @SaudVillingili ah sarukaaruge is veringe kurimatheegai maruge inzaaru dhenee. Mee hama seedhaa Terrorism ge amaleh. MP Ilham dhehkkevi vaahaka thahugeegu kuranyaa mikan ves @PoliceMv in thahugeegu kuran jehey! #Boduvaru pic.twitter.com/W7SM8WNJOV
ސަޢުދަށް ވިލިނގިލީގައި ތާޢީދު ނެތް ކަމަށް އިބްރާހިމް ރަޝީދު ވިދާޅުވި ނަމަވެސް ނިމިގެންދިޔަ ލޯކަލް ކައުންސިލް އިންތިޚާބުގައި ވެސް އެރަށުގައި ތާޢީދު ލިބުނީ އިދިކޮޅު ފަރާތްތަކަށެވެ. އަދި އެރަށުގައި ހިންގާ ގުޅިފައިވާ ސިޔާސީ ޕާޓީތަކުގެ ޙަރަކާތްތަކުގައި އިސްކޮށް އުޅުއްވަނީ ވެސް ސަޢުދެވެ. 
ސަޢުދަކީ ޕީޕީއެމް ދޫކުރެއްވުމާގުޅިގެން ގޮނޑިގެއްލިއްޖެ ކަމަށް އިލެކްޝަންސް ކޮމިޝަނުން ބުނަމުންދަނިކޮށް، ސުޕްރީމް ކޯޓުގެ އަމުރަކުން އެގޮނޑި ނުގެއްލޭ ކަމަށް ފެބްރުއަރީ މަހުގެ 1 ވަނަ ދުވަހު އަމުރުކުރި މެމްބަރެކެވެ. 
 
އަންތަރީސް ވެއްޖެ
އުފާ ވެއްޖެ
ދެރަ ވެއްޖެ
ރުޅި ގަދަ ވެއްޖެ
މޮޔަވެއްޖެ
ދެން އަތްޖަހާ