ކ. ތިލަފުށިން ގެއްލިގެން ހޯދަމުންދިޔަ ބިދޭސީ މީހާ އެ ރަށުގައި މަރުވެފައި އޮއްވާ މިއަދު ފެނިއްޖެ އެވެ.
މިއަދުގެ ވަގުތެއްގައި ގެއްލިގެން ހޯދަމުންދިޔައީ ބަންގްލަދޭޝް އަށް ނިސްބަތްވާ ބިދޭސީ ފިރިހެނެކެވެ. އޭނާ ހޯދުމުގެ މަސައްކަތް މިއަދު ހަވީރުން ފެށިގެން ފުލުހުން ދިޔައީ ކުރަމުންނެވެ.
މި ނޫހަށް އެނގިފައިވާ ގޮތުގައި ބިދޭސީ މީހާ ގެއްލުނީ ކުނިގޮނޑު ތެރެއަށެވެ. ބެލެވޭ ގޮތުގައި އޭނާ ގެއްލުނީ ކޮންނަބޯޓެއްގެ ދަތްގަނޑުން ބޮލުގައި ޖެހި ވެއްޓުނު ވަގުތު ގައި މައްޗަށް ކުނިތަކެއް އެޅިގެންނެވެ.
އޭނާގެ ބޮލުގައި ކޮންނަބޯޓުން ޖެހުންކަން އަދި ގެއްލުނުކަން އެނގުނީ އެ ވެހިކަލް ދުއްވަން އިން ބިދޭސީ މީހާއަށެވެ. ނަމަވެސް އެ ހާދިސާ ހިނގި ގޮތުގެ ފުރިހަމަ ތަފުސީލެއް އަދި ނުލިބެ އެވެ.
ފުލުހުން ބުނީ އެ މައްސަލަ ތަހުގީގު ކުރަމުންދާ ކަމަށާއި އިތުރު މައުލޫމާތު ލިބުމުން މީޑިއާތަކާ ހިއްސާ ކުރާނެ ކަމަށެވެ.