އަދާލަތު ޕާޓީގެ ރައީސް އައްޝައިޚް އިމްރާން އަބްދުﷲ އާއި ދިއްގަރު ދާއިރާގެ މެންބަރު އަހުމަދު ފާރިސް މައުމޫން ވަގުތުން މިނިވަންކުރުމަށް ކުރީގެ ރައީސް އަލްއުސްތާޒު މައުމޫން އަބްދުލްގައްޔޫމް އަނެއްކާވެސް ގޮވާލައްވައިފިއެވެ.
ރައީސް މައުމޫން މިކަމަށް ގޮވާލެއްވީ ޝައިޚް އިމްރާން އަބުދުﷲއާއި ފާރިސް މައުމޫން ގޭ ބަންދުން ޖަލު ބަންދަށް ބަދަލުކުރުމާއި ގުޅިގެން މިއަދު ކުރައްވާފައިވާ ޓްވީޓެއްގައެވެ.
ރައީސް މައުމޫން ވިދާޅުވީ ޝައިޚް އިމްރާން އަބުދުﷲ އާއި ދިއްގަރު ދާއިރާގެ މެންބަރު ފާރިސް މައުމޫން އަލުން ޖަލަށް ބަދަލުކުރެއްވުމަކީ ވަރަށް ކަންބޮޑުވެވަޑައިގަންނަވާކަމެއްކަމަށެވެ.
އަދި އެދެ ބޭފުޅުން ވަގުތުން މިނިވަންކުރުމަށް ރައީސް މައުމޫން ވަނީ ގޮވާލައްވާފައެވެ.