ސަރުކާރުގެ ފެން ކުންފުނި އެމްޑަބްލިއުއެސްސީގެ ޗެއާމަންގެ މަގާމުންނާއި ޑިރެކްޓަރުންގެ ބޯޑުގެ މެމްބަރުކަމުން ޝަމްހޫޒާ އަހްމަދު ވަކިކޮށްފި އެވެ.
ތަފްސީލު - އެ މަގާމުން ޝަމްހޫޒާ، ނާޒުކީގެ/ސ. ފޭދޫ، ވަކިކުރިކަން ޕްރައިވެޓައިޒޭޝަން އެންޑް ކޯޕަރަޓަައިޒޭޝަން ބޯޑު (ޕީސީބީ)ން ވަނީ އިއުލާންކޮށްފަ އެވެ.
ނަމަވެސް އެއީ ކޮން ސަބަބަކާ ހުރެ ކަމެއް ޕީސީބީން ނުބުނެ އެވެ.
ޝަމްހޫޒާ އެމްޑަބްލިއުއެސްސީގެ ޗެއާމަންގެ މަގާމަށް އައްޔަންކުރީ 26 ޑިސެމްބަރު 2023ގަ އެވެ.
ގުޅުންހުރި ކަމެއް - އެމްޑަބްލިއުއެސްސީގެ މެނޭޖިން ޑިރެކްޓަރުގެ މަގާމުގައި ހުންނެވި އަބްދުﷲ މަތީން މިދިޔަ މަހު އެ މަގާމުން ވަނީ އިސްތިއުފާ ދެއްވާފަ އެވެ.
އެއާ އެކު އެ ކުންފުނީގެ އެމްޑީގެ މަގާމަށް ފަހުން އައްޔަންކުރީ ސްޓެލްކޯގެ ކުރީގެ އެމްޑީކަން ކުރެއްވި ހުސައިން ފަހުމީ އެވެ.