ދިވެހި ފިރިހެނަކު މާލޭގެ ގެއެއްގައި ރަހީނުކޮށް އަނިޔާކުރި މައްސަލައެއްގައި މީހަކު ހައްޔަރުކޮށްފި އެވެ.
ވީކިހިނެއް؟ - ފުލުހުން ބުނި ގޮތުގައި މި ކުށުގެ މައުލޫމާތު ފުލުހަށް ލިބުނީ އިއްޔެ އެވެ. އަދި ފުލުހުން ކުރި މަސައްކަތުން އެ މީހާ ސަލާމަތް ކުރީ މިއަދު އެވެ.
ތަފްސީލް - މި މައްސަލާގައި ހައްޔަރުކޮށްފައިވަނީ:
އިބްރާހީމް ސައީދު، 48، ސުވާސާގެ/ ސ. ފޭދޫ
ހައްޔަރުކުރީ ކުށުގެ ވެށިން
މި މައްސަލާގައި އަނިޔާ ލިބިފައިވާ މީހާ ފަރުވާ ދިނުމަށް އައިޖީއެމްއެޗް ހޮސްޕިޓަލަށް ވަނީ ގެންގޮސްފަ އެވެ.
ފުލުހުން ބުނީ މައްސަލަ އިތުރަށް ތަހުގީގު ކުރަމުންދާ ކަމަށެވެ.
ފާހަގަކޮށްލެވޭ ކަމެއް - ފުލުހުން ވަނީ މިއަދު ހެނދުނު މާލޭގެ އެހެން ގެއެއްގައި ރަހީނުކޮށްފައި ހުރި ބިދޭސީ ފިރިހެނަކު ވެސް ސަލާމަތްކޮށްފަ އެވެ. އެ މައްސަލައާ ގުޅިގެން އަދި މީހަކު ހައްޔަރެއް ނުކުރެ އެވެ.