ގޯލްޑަން ފުޓްސަލް ޗެލެންޖު 2025 ގެ ގދ. އަތޮޅު ސެމީ ފައިނަލުގެ ފަހު ޖާގަތައް ތިނަދޫ އާއި ގައްދޫން ހޯދައިފި އެވެ.
ތިނަދޫން ރޭ ވަނީ ފަރެސްމާތޮޑާ އަތުން 4-2 އިން މޮޅުވެފަަ އެވެ. އަދި ގައްދޫން ވަނީ 1-1 އިން ފިޔޯރީއާ އެއްވަރުކޮށްފަ އެވެ.
ގްރޫޕް އޭގެ އެއް ވަނަ ހޯދި މަޑަވެއްޔަށް ހަ ޕޮއިންޓް ލިބުުނުއިރު، ދެ ވަނަ ހޯދި ތިނަދޫ އަށް ތިން ޕޮއިންޓް ލިބިފައިވެ އެވެ. އެ ގްރޫޕުން ކެޓި ފަރެސްމާތޮޑާ އަށް ޕޮއިންޓެއް ނުލިބެ އެވެ. ގްރޫޕް ބީން އެއް ވަނަ ލިބުނީ ހަތަރު ޕޮއިންޓް ހޯދި ވާދޫ އަށެވެ. ދެ ވަނައިގައި ނިންމި ގައްދޫ އަށް ދެ ޕޮއިންޓް އަދި ފުލުގައި ނިންމި ފިޔޯރީ އަށް ލިބުނީ ޕޮއިންޓެކެވެ.
ތިނަދޫގެ ގޯލުތައް ޖެހީ އިބްރާހިމް މުހައްމަދު ދެ ގޯލާއި އިބްރާހިމް އަހުމަދު ދެ ގޯލެވެ. ފަރެސްމާތޮޑާ އިން ލަަނޑުތައް ޖެހީ، ސައިޝުﷲ އަޝްރަފް އާއި ސައްފާހު ހަަސަން އެވެ. ފިޔޯރީގެ އަބްދުﷲ މަހީލް މުއްތަލިބު ލަނޑު ޖެހިއިރު، ގައްދޫން ގޯލު ޖެހީ އައްނު އަބްދުﷲ އެވެ.
ސެމީ ފައިނަލުގައި ތިނަދޫ ކުޅޭނީ ވާދޫއާ އެވެ. އަދި ގައްދޫން ނުކުންނާނީ މަޑަވެއްޔާ ދެކޮޅަށެެވެ.
16:00: ހއ. މާރަންދޫ - ހއ. ފިއްލަދޫ
16:00: ހއ. ބާރަށް - ހއ. ކެލާ
17:00: ހއ. ވަށަފަރު - ހއ. އިހަވަންދޫ
17:00: ހއ. ދިއްދޫ - ހއ. އުތީމ
----------------------------------------
20:00: ހދ، ހަނިމާދޫ - ހދ. ފިނޭ
20:00: ހދ. ނޭކުރެންދޫ - ހދ. މަކުނުދޫ
21:00: ހދ. ކުމުންދޫ - ހދ. ނައިވާދޫ
21:00: ހދ. ނޮޅިވަރަން - ހދ. ވައިކަރަދޫ
22:00: މ. ވޭވަށް - މ. ދިއްގަރު
22:00: މ. މުލަކު - މ. މަޑުއްވަރީ
23:00: މ. ނާލާފުށި - މ. ކޮޅުފުށި