މާލެއަށް ފޯރުކޮށްދެމުން ގެންދާ ކަރަންޓުގެ ހިދުމަތުން ނަގާ ފިއުލް ސާ ޗާޖު ދެ ގުނައަށް ވުރެ ބޮޑުކުރުމަށް ސްޓޭޓް އެލެކްޓިރް ކޮމްޕެނީ(ސްޓެލްކޯ)އިން ވަނީ ނިންމާފައެވެ.
ސާ ޗާޖު ދެ ގުނައަށް ވުރެ ބޮޑުކުރަން ނިންމާފައިވަނީ މި މަހުގެ ނުވަ ވަނަ ދުވަހުން ފެށިގެންނެވެ.
އެގޮތުން ސްޓެލްކޯގެ ވެބްސައިޓުގައި ބުނެފައިވާ ގޮތުގައި މިމަހުގެ ނުވަ ވަނަ ދުވަހުން ފެށިގެން ތެލުގެ ސާޗާޖުގެ ގޮތުގައި ނަގަން ނިންމާފައިވަނީ ޔުނިޓަކުން 27 ލާރިއެވެ.
ނޮވެމްބަރު މަހުގެ 16 ވަނަ ދުވަހުން ފެށިގެން މިމަހުގެ ނުވަ ވަނަ ދުވަހާއި ހަމައަށް ނަގަމުން ގެންގޮސްފައިވަނީ ޔުނިޓަކުން 12 ލާރިއެވެ. ސެޕްޓެމްބަރު މަހުގެ 19 ވަނަ ދުވަހުން ފެށިގެން ނޮވެމްބަރު މަހުގެ 16 ވަނަ ދުވަހައި ޖެހެންދެން ނަގާފައިވަނީ ޔުނިޓަކުން ހަތަރު ލާރިއެވެ.
މިކަމާ ގުޅިގެން ކުރިން 1000 ރުފިޔާ އަރާ ބިލުތަކަށް 200 އެއްހާ ރުފިޔާ އިތުރުވާނެއެވެ.