ނ. ވެލިދޫ ދާއިރާގެ ތަރައްގީއަށް އެ ދާއިރާގެ މަޖިލިސް މެންބަރު ހުރަސް އަޅުއްވާ: ރައީސް ވިހަފަރު ފަޅުގައި ތަރައްގީކުރާ އެއާޕޯޓުގެ މަސައްކަތް އަންނަ އަހަރު ފަށަނީ ރައީސުލްޖުމްހޫރިއްޔާގެ ދެކަނބަލުން، ކުޑަކުދިންގެ ދުވަހުގެ ހަރަކާތްތައް ބައްލަވައިލައްވައިފި ރައ

ނ. ފޮއްދޫ ކައިރީގައި އޮންނަ ހިމާޔަތްކުރެވިފައިވާ ފޮއްދިއްޕަރު ފަޅުގެ ނަފާ ކައުންސިލަށް ލިބޭނެގޮތަށް ކަންކަން ހަމަޖައްސަވައިދެއްވާނެ ކަމަށް ރައީސުލްޖުމުހޫރިއްޔާ ޑރ. މުހައްމަދު މުއިއްޒު ވިދާޅުވެއްޖެއެވެ.
ނ. ފޮއްދޫއަށް ވަޑައިގެން އެރަށުގެ ރައްޔިތުންނާ ބައްދަލުކުރައްވާ ދެއްކެވި ވާހަކަފުޅުގައި އެމަނިކުފާނު ވިދާޅުވީ އެފަޅަކީ މިނިސްޓްރީ އޮފް ޓޫރިޒަމް އެންޑް އެންވަޔަރމަންޓުން ހިމާޔަތްކޮށްފައިވާ މުހިންމު ތަނަކަށްވާތީ، މިނިސްޓްރީ އާއި ކައުންސިލް ގުޅިގެން ހަދާ މެނޭޖުމަންޓް ޕްލޭނެއްގެ ދަށުން އެފަޅު ބަލަހައްޓާ އަދި އެފަޅުން ކައުންސިލަށް އާމްދަނީ ލިބޭނެ ނިޒާމެއް އެގްރިމަންޓެއްގެ ދަށުން ހަމަޖައްސަވައިދެއްވާނެކަމަށެވެ.
ރައީސް ވަނީ ރަށުގެ ތަރައްގީއަށްޓަކައި މިއަދު ފެށި ބައެއް މަޝްރޫއުތަކުގެ މައްޗަށް އަލިއަޅުއްވައިލައްވައި، ރައްޔިތުން އެދޭފަދައިން އެ މަޝްރޫއުތައް ނިމިގެންދާނެކަމުގެ ޔަގީންކަން، ރަށުގެ ރައްޔިތުންނަށް ދެއްވާފައެވެ.
ފޮއްދޫގެ ރައްޔިތުންގެ 40 އަހަރުގެ ދިގު އުއްމީދެއްކަމަށްވާ، ބަނދަރު ހެދުމުގެ އަމަލީ މަސައްކަތް މިއަދު ވަނީ ފަށާފައެވެ. މީގެ އިތުރުން ފޮއްދޫގައި އިމާރާތްކުރާ ޕޮލިސް ޕޯސްޓްގެ ބިންގާއަޅުއްވައި، ފިޓްނަސް އެންޑް ރެކްރިއޭޝަން ސެންޓަރުގެ ބިންގާ ވެސް މިއަދު ވަނީ އަޅުއްވާފައެވެ. މީގެ އިތުރުން ރައްޔިތުން އެދިވަޑައިގަންނަވާ ފަދައިން، ޑޮކްޓަރީ ހިދުމަތުގެ ފެންވަރު ރަނގަޅުކުރުމުގެ ކަންކަން ހަމަޖައްސަވައިދެއްވައި، ސިއްހީ މަރުކަޒުގެ އައު އިމާރާތް ނިމޭއިރު، ލެބޯޓްރީގެ ހިދުމަތް އިތުރުކޮށް ސިއްހީ ދާއިރާއަށް ބޭނުންވާ ކަންކަން އިތުރަށް ފުރިހަމަވެ ކައިރި ހޮސްޕިޓަލްތަކަށް ދާންޖެހުން މަދުވެގެންދާނެ ގޮތަށް ކަންކަން ފުރިހަމަކޮށްދެއްވާނެ ކަމަށް އެމަނިކުފާވިދާޅުވިއެވެ.
ރައީސުލްޖުމުހޫރިއްޔާގެ ވާހަކަފުޅު ނިންމަވާލައްވަމުން ވިދާޅުވީ އެމަނިފާނު ދެން ފޮއްދޫއަށް ވަޑައިގަންނަވާނީ މިއަދު ފެށި މަޝްރޫޢުތައް ނިމި އެކަންކަމުގެ އުފަލުގައި ރައްޔިތުންނާއިއެކު ބައިވެރިވެވަޑައިގަތުމަށް ކަމަށެވެ.
އަރުޝީފަށް ނެގީ
އެންމެފަހުން އަޕްޑޭޓްކުރީ