ރާއްޖޭގައި މަރުގެ ޙުކުމް ތަންފީޒު ކުރުމާއި ގުޅޭގޮތުން، ކުރީގެ ރައީީސް މައުމޫން ޢަބްދުލްޤައްޔޫމް ދެއްކެވި ވާހަކަފުޅަށް ވަރަށް ގިނަ ބައެއްގެ ފާޑުކިޔުން އަމާޒުވެފައެވެ.
މަރުގެ ޙުކުމް ތަންފީޒު ކުރުމަކީ، މި ސަރުކާރުން ވެސް ކުރަން ނިންމައިފައިވާ ކަމެއް ކަމަށް އިއްޔެ ހޯމް މިނިސްޓަރު ޢަލީ އިހުސާން ވަނީ ހާމަކުރައްވައިފައެވެ. މިކަމާ ގުޅިގެން ރައީސް މައުމޫން ވިދާޅުވީ، މަރުގެ ޙުކުމް ތަންފީޒު ކުރުމަކީ ޤައުމީ ތަރައްޤީގެ އުސް ލަނޑުދަނޑިއެއް ކަމެއް ”ނުދެނަހުރިން“ ކަމަށެވެ.
މަރުގެ ޙުކުމް ތަންފީޒު ކުރުމަކީ ޤައުމީ ތަރައްޤީގެ އުސް ލަނޑުދަނޑިއެއް ކަމެއް ނުދެނަހުރިން. ވަރަށް މާފު!
— Maumoon Abdul Gayoom (@maumoonagayoom) December 20, 2023
ރައީސް މައުމޫން އެކްސްގައި ކުރެއްވި މި ޕޯސްޓަށް ވަރަށް ގިނަ ބަޔަކު ދަނީ ފާޑު ކިޔަމުންނެވެ. އެ ޕޯސްޓަށް ކޮމެންޓު ކުރި މީހަކު ބުނީ، މަރުގެ ޙުކުމް ތަންފީޒުކުރުމަށް އެންގެވީ މާތް ﷲ ކަމަށެވެ.
”ދެން އެކަމާއި ބަހުސް ކުރަން ތީ ކާކު؟؟“
މަރުގެ ހުކުމް ތަންފީޒުކުރުމަށް އެންގެވީ މާތް ﷲ ދެން އެކަމާއި ބަހުސް ކުރަން ތީ ކާކު؟؟
— Maajid (@Maaaji3M) December 20, 2023
ނުކުރާނެ ގަބޫލެއް ފާޅުގައި މާތް ﷲ ގެ އަމުރުފުޅަށް ދެކޮޅުހަދާ މީހެއް އެއީ ބުރުގާ އެޅުމަށް ވެސް ދެކޮޅަށް ވާހަކަދައްކަނީ އޭނާގެ އަނބިކަނބަލުން ގެ ދިފާއުގައި މިއީ ދީން އެނގި ހުރެ އެކަމާ ދެކޮޅުހަދާ ޝައިތާނާއެއް
— ????????❤️???????? فلسطين حرة????????❤️???????? (@ShifazAhmad) December 20, 2023
އިތުރު މީހަކު ކުރި ކޮމެންޓެއްގައި ވަނީ، ރައީީސް މައުމޫން ބުރުގާ އެޅުމާއި ދެކޮޅަށް ވެސް ކުރިން ވާހަކަ ދެއްކެވި ކަމަށާއި، މަރުގެ ޙުކުމާއި ގުޅޭގޮތުން އެމަނިކުފާނު މިހާރު އެ ވިދާޅުވާ ބަސްފުޅު ޤަބޫލު ކުރެވެން ނެތް ކަމަށް ބުނެފައެވެ.
ރައީީސް މައުމޫންގެ މި ވާހަކަފުޅަށް، ރާއްޖޭގެ ދީނީ ޢިލްމުވެރިން ވެސް ގެންދަވަނީ ފާޑު ވިދާޅުވަމުންނެވެ. ޤިސާސް ހިފުން ނުވަތަ މަރަށް މަރު ހިފުމަކީ އިސްލާމީ ޝަރީޢަތުގައި ކަނޑައަޅާފައި އޮންނަ ޙުކުމެކެވެ. ކީރިތި ޤުރުއާނުގައި، އެއީ ދިރުމެއްވާ ކަމެއްގެ ގޮތުގައި ސިފަ ކުރައްވައިފައިވެސް އޮވެއެވެ.