ފުލުހުންގެ ބަންދުގައި ހުރި މީހަކު ފިލަން އެހީތެރިވި ދެ މީހަކު އިއްޔެ ހައްޔަރުކޮށްފި އެވެ.
ވީ ކިހިނެއް؟ - އެ ދެ މީހުންގެ ބަންދު އަމުރުގައިވާ ގޮތުން، ފިލުވަން އެހީތެރިވީ ފެމެލީ އެންޑް ޖެންޑާ އެފެއާޒް ޑިޕާޓުމަންޓުން ބަލަމުންދާ މައްސަލައެއްގައި ހައްޔަރުގައި ހުރި މީހެކެވެ. މައްސަލައިގެ ތަފްސީލެއް ނެތެވެ.
ތަފްސީލް - މި މައްސަލާގައި ހައްޔަރުކޮށްފައިވަނީ:
އަހުމަދު އުވައިސް، 22، ހ. ލާމިޔާ
މުހައްމަދު އަނޫފް، 25، އިހާޒް/ނ. ވެލިދޫ
ދެ މީހުންގެ ބަންދާ މެދު ގޮތެއް ނިންމަން އިއްޔެ ކޯޓަށް ހާޒިރުކުރުމުން 15 ދުވަހުގެ މުއްދަތެއް ބަންދަށް ވަނީ ޖަހާފަ އެވެ. ބަންދު އަމުރުގައި ބުނީ:
ދެ މީހުންގެ މައްޗަށް ވެސް ތުހުމަތުކުރެވޭ ކުށް ކުރިކަމުގެ އެކަށީގެންވާ ހެކި ލިބިފައިވޭ
އެކަމާ ގުޅޭ ސީސީޓީވީ ފުޓޭޖު ވެސް ހެކީގެ ގޮތުގައި ލިބިފައިވޭ
މީގެ ތެރެއިން އުވައިސްއަކީ ކުށުގެ ރެކޯޑު އޮތް މީހެއް
ދެ މީހުން ވެސް ބަންދަށް ލުއިދިނުމަށް އެދިފައިވޭ