ދިމާވެގެން މިއުޅޭ މައްސަލައަކީ ވައްކަންތަކެއް ބަޔަކަށް ކުރެވިފައި ހުރުން ކަމަށާއި މި ވައްކަންތައް ފަޅާއަރައި، އެ ތަހުގީގުތައް ނުބައިގޮތަކަށް ހިނގައި އަދަބު ލިބިދާނެތީ ބިރު ހީވުން ކަމަށް، ޕީއެންސީގެ ޕީޖީ ލީޑަރ އަދި އިނގުރައިދޫ ދާއިރާގެ މެމްބަރު އިބްރާހިމް ފަލާހު މިއަދު ވިދާޅުވެއްޖެއެވެ.
އެންޓި ކޮރަޕްޝަން ކޮމިޝަން (އޭސީސީ)
ގެ ރައީސް އައްޔަން ކުރުމުގެ ބާރު ރައީސުލްޖުމްހޫރިއްޔާއަށް ލިބޭ ބިލަށް ބަހުސް ކުރައްވަމުން ފަލާހު ވިދާޅުވީ، އޭސީސީގެ ރައީސް އާއި ނައިބު ރައީސް ރައީސުލްޖުމުހުރިއްޔާ އައްޔަން ކުރައްވާގޮތަށް ނިންމަން އުޅޭތީ، މާ ބޮޑު ކަމަކަށް ހަދައިގެން، ދެކެވޭ ވާހަކަތަކަކީ ހަގީގަތުގައި ރައްޔިތުންނަށް
އޮޅުވާލުމަށް ދެކެވޭ ވާހަކަތަކެއް ކަމަށެވެ.
ފަލާހު ވިދާޅުވީ އިގްތިސާދީ ގޮތުން
މިއަދު އުނދަގޫ ތަހައްމަލު ކުރަން ޖެހިގެން
މިއުޅެނީ މީގެކުރިން ވެރިކަންކޮށްފައި ތިބި ވެރިން، އެބޭފުޅުންނަށް ލިބުނު ފަސް
އަހަރު، އެ ސަރުކާރުތައް ހިންގާފައި ހުރިގޮތުން ކަމަށެވެ. އަދި 2013 އިން 2018
އަށް ވެސް ޕްރޮޖެކްޓްތައް ހިންގާފައި ހުރީ ހަރަދުކުރަންޖެހޭ މިންވަރާއި އަގާއި
އެއްވަރަށް ނޫން ކަމަށް ފަލާހް ވިދާޅުވިއެވެ.
ފަލާހު ވިދާޅުވީ އެމްޑީޕީން
ދައްކާ ވާހަކައަކީ އެމްޑީޕީގެ އެކަނި ވިސްނުމަށް ދައްކާ ވާހަކަ ނޫން ކަމަށެވެ.
ފަލާހު ވިދާޅުވީ، އޭސީސީގެ ރައީސް އައްޔަންކުރުމުގެ ބާރު ރައީސަށް ދިނުމުގެ އިސްލާހަކީ މާ ބޮޑު
އިސްލާހެއް ނޫން ކަމަށާއި، ދުނިޔޭގެ ބޮޑެތި ތަހުޒީބު އެހެން ގައުމުތަކުގައިވެސް އަމަލުކުރަނީ
މިގޮތަށް ކަމަށެވެ.