ރިޔާސީ އިންތިހާބުގެ ދެވަނަ ބުރުގައި އިއްތިހާދު އިތުރަށް ފުޅާކުރުމަށް ރައީސް އިބްރާހިމް މުހައްމަދު ސޯލިހް ކުރައްވަމުންގެންދަވާ މަސައްކަތްޕުޅުގެ ދަށުން ޖުމްހޫރީ ޕާޓީގެ ލީޑަރު ގާސިމް އިބްރާހީމާއެކު މަޝްވަރާތައް ފަށައިގެން ކުރިއަށް އެބަ ގެންދެއެވެ.
މި މަޝްވަރާތައް ކުރިއަށްދަނީ ގާސިމްގެ ސަން އައިލެންޑް ރިސޯޓްގައެވެ.
ރައީސް ސޯލިހް ސަން އައިލެންޑަށް ވަޑައިގެންނެވުމަށްޓަކައި މާމިގިލީ އެއާޕޯޓަށް ވަޑައިގެންނެވީ ގާސިމްގެ އެއާލައިން، ވިލާ އެއާގައެވެ.
މާމިގިއްޔަށް ވަޑައިގެންނެވުމުން ރައީސް ސޯލިހަށް މަރުހަބާ ދެންނެވުމަށް ޖުމްހޫރީ ޕާޓީގެ ލީޑަރު ގާސިމް އިބްރާހީމާއި އޭނާގެ ބައެއް އެޑްވައިޒަރުން ވަޑައިގެންނެވިއެވެ. އެ އެޑްވައިޒަރުންގެ ތެރޭގައި އަލީ ވަހީދާއި ނިހާން ހިމެނިވަޑައިގަންނަވައެވެ.
ގާސިމް-އިބޫގެ މަޝްވަރާތައް ފެށިގެން ކުރިއަށްދާއިރު ދެވަނަ ބުރުގައި އިއްތިހާދުވާނެ ކެނޑިޑޭޓަކު ނިންމުމަށް ޖޭޕީން މިއަދު ކައުންސިލް ބައްދަލުވުމެއް ބާއްވަން ކުރިން ތާވަލުކުރިއެވެ. އެހެންނަމަވެސް މަޝްވަރާތަކަށް ލީޑަރަށް އިތުރު ވަގުތު އެރުވުމުގެ ގޮތުން ކައުންސިލްގެ އެ ބައްދަލުވުން މިހާރު ވަނީ ފަސްކޮށްފައެވެ.
ދެވަނަ ބުރުގައި އިއްތިހާދުވާނެ ވަކި ކެނޑިޑޭޓެއް ގާސިމް އަދި ނިންމާފައިނުވާއިރު އިއްޔެ ޑރ. މުއިއްޒުގެ ފަރާތުން ނެގޯޝިއޭޝަން ޓީމުން ގާސިމްގެ އަރިހަށް ސަން އައިލެންޑަށް ވަޑައިގެން މަޝްވަރާތައް ކުރިއަށްގެންދެވިއެވެ. ނެގޯޝީއޭޝަން އެ ޓީމުގައި ޑރ. މުއިއްޒުގެ ރަނިންމޭޓް ހުސެއިން މުހައްމަދު ލަތީފް (ސެމްބެ) ބައިވެރިވެވަޑައިގެންނެވިއެވެ.
Your email address will not be published. Required fields are marked *
ހިޔާލު * document.getElementById("comment").setAttribute( "id", "a13ed0436a910f1daa257bd8f4d27b8e" );document.getElementById("bb7c1a6aaf").setAttribute( "id", "comment" );
ނަން
Δdocument.getElementById( "ak_js_1" ).setAttribute( "value", ( new Date() ).getTime() );
Email: [email protected] | Phone: +960 9770541Address: M. Golden Bones, 3rd Floor, Male’ Maldives© Copyright 2020, Dhuvas.mv, All Rights Reserved